Нарач (курортны пасёлак)

У паняцця ёсць і іншыя значэнні, гл. Нарач.

На́рач^[2] (трансліт.: Narač, руск.: Нарочь) — курортны пасёлак у Мядзельскім раёне Мінскай вобласці Беларусі.

Курортны пасёлак Нарач Цэнтр курортнага пасёлка Краіна Беларусь Вобласць Мінская Раён Мядзельскі Каардынаты 54°55′50″ пн. ш. 26°41′11″ у. д.HGЯO Заснаваны 1964 Курортны пасёлак з 1964 Вышыня цэнтра 170 м Насельніцтва ▼3 781 чал. (1 студзеня 2025)[1] Часавы пояс UTC+3 Тэлефонны код +375 1797 Паштовы індэкс 222396 Аўтамабільны код 5 СААТА 6240833905 Нарач на карце Беларусі ±

Нарач на Вікісховішчы

Геаграфія

Знаходзіцца на беразе возера Нарач, за 18 км ад горада Мядзел^[3], за 31 км ад чыгуначнай станцыі Паставы^[3] на лініі Варапаева—Лынтупы; на аўтамабільнай дарозе Мінск—Паставы. Насельніцтва 3495 чал. (2017)^[4].

Гісторыя

Заснаваны 26 верасня 1964 года^[5][3]. У кастрычніку 1964 года вызначаны межы курортнага пасёлка, у яго склад уключаны вёскі Купа, Сцепянёва і Урлікі Нарацкага пассавета Мядзельскага раёна, а таксама санаторый, дамы адпачынку, турысцкая база і піянерскія лагеры^[6].

Насельніцтва

• 1995 — 4,2 тыс. чал.^[3]
• 2006 — 3,4 тыс. чал.
• 2016 — 3481 чал.^[7]
• 2017 — 3495 чал.^[4]

Эканоміка

Жылыя дамы ля галоўнай плошчы Купы

Турыстычны комплекс «Нарач». Санаторыі «Нарач», «Нарачанскі бераг», «Спадарожнік», «Белая Русь», «Прыазёрны». Яхт-клуб «Нарачанскі». Гасцініца «Нарач», гасцявы дом «Возера Нарач» і інш. Рыбакамбінат.

Працуе даследчая Нарачанская азёрная станцыя.

Парк

Парк закладзены ў ХІХ стагоддзі на плошчы 3 га, збярогся часткова. Парадная частка мае сіметрычна-восевае рашэнне. Уезд фіксаваны дзвюма парамі куліс з елкі і таполі белай, цэнтральная частка партэра дэкарыравана бэзам. Пейзажная частка парку займае дзве тэрасы. Яна ўключае дрэвавыя групы, паляны і водную сістэму. У дрэвастоі пераважаюць мясцовыя віды, з экзотаў захаваліся піхта сібірская, сасна румелійская, ліпа еўрапейская і інш.