Сторм Хантэр

У Вікіпедыі ёсць артыкулы пра іншых людзей з прозвішчам Хантэр.

Сторм Хантэр (англ.: Storm Hunter, у дзявоцтве Сандэрс, англ.: Sanders; нар. 11 жніўня 1994 года, Ракгемптан) — аўстралійская тэнісістка, якая спецыялізуецца на гульні ў парах. Пераможца аднаго турніру Вялікага шлема ў змяшаным парным разрадзе (Адкрыты чэмпіянат ЗША 2022), фіналістка аднаго турніру Вялікага шлема ў жаночым парным разрадзе (Уімблданскі турнір 2023), пераможца сямі турніраў WTA ў парным разрадзе, фіналістка Кубка Білі Джын Кінг (2022) у складзе зборнай Аўстраліі.

Сторм Хантэр
Нарадзілася	11 жніўня 1994(1994-08-11)[1] (31 год) Ракгемптан, Квінсленд, Аўстралія[1]
Грамадзянства	Аўстралія[1]
Рост	166 см
Вага	59 кг
Прафесійная кар’ера	2009 — ц.ч.
Вядучая рука	левая
Удар злева	двухручны
Трэнер(ы)	Ніколь Прат
Прызавыя грошы	3 607 924 $[2]
Адзіночны разрад
Вынікі (в/п)	231–189[1]
Тытулы	3 ITF
Найвышэйшы рэйтынг	119 (18 кастрычніка 2021 года)
Турніры серыі Вялікага шлема
Аўстралія	1-ы раўнд (2014, 2015, 2016, 2022, 2023)
Францыя	2-і раўнд (2023)
ЗША	1-ы раўнд (2021, 2023)
Парны разрад
Вынікі (в/п)	287–171[1]
Тытулы	7 WTA, 1 WTA 125, 13 ITF
Найвышэйшы рэйтынг	2 (25 верасня 2023 года)
Турніры серыі Вялікага шлема
Аўстралія	1/4 фіналу (2022, 2023)
Францыя	3-і раўнд (2023)
Уімблдан	фінал (2023)
ЗША	1/2 фіналу (2022)
Медыяфайлы на Вікісховішчы
Апошняе абнаўленне: 25 верасня 2023 года

Біяграфія

Нарадзілася ў 1994 годзе ў сям’і вайскоўцаў: і бацька, Майкл, і маці Джэнін, служылі ў ВМС Аўстраліі. Брат Сторм, Бейдэн, таксама паступіў на ваенную службу (у сухапутныя войскі)^[3]. Доўгі час была ў рамантычных адносінах з Лахлінам Хантэрам; вяселле адбылося ў лістападзе 2022 года^[4]. У далейшым выступала пад прозвішчам мужа^[5].

Тэнісам зацікавілася ў 6 гадоў, пабачыўшы гэтую гульню па тэлевізары, і папрасілася вучыцца^[3]. Узорам для пераймання для юнай спартсменкі стала былая 8-я ракетка свету Алісія Молік^[6].