Стратыфікацыя моў

У паняцця ёсць і іншыя значэнні, гл. Стратыфікацыя.

Стратыфіка́цыя моў^[1] — суадносіны ўзаемадзеяння моў у выніку міграцыі насельніцтва, каланізацыі або заваявання аднаго народа іншым.

У залежнасці ад вынікаў узаемадзеяння моў вылучаюць тры стратыфікацыйныя тыпы: субстрат, суперстрат і адстрат^[1].

• Субстрат — рэшткі мовы карэннага насельніцтва, якая была выцеснена мовай чужынцаў, але паўплывала на яе і выклікала змены ў фанетыцы і граматыцы.
• Суперстрат — фанетычныя і граматычныя элементы мовы прышлага народа, што ўвайшлі ў мову карэннага насельніцтва.
• Адстрат — элементы мовы іншаземнага народа ў мове карэннага насельніцтва ў выпадку, калі захаваліся абедзве мовы. Напрыклад, элементы нямецкай мовы ў мове лужыцкіх сербаў^[1].