Стратэгічны бамбардзіроўшчык

Стратэгічны бамбардзіроўшчык — баявы самалёт-бамбардзіроўшчык, здольны несці вялікую колькасць авіяцыйнай зброі, такой як авіяцыйныя бомбы (пераважна) ці крылатыя ракеты (у тым ліку з ядзернай баявой часткай), прызначаны для нанясення бомбавых або ракетных удараў па стратэгічна значных аб’ектах, размешчаных на тэрыторыі варожай дзяржавы, як правіла, па-за галоўнымі «тэатрамі ваенных дзеянняў», з мэтай падрыву яе ваеннага і прамысловага патэнцыялу.

Стратэгічныя бамбардзіроўшчыкі ЗША B-52, B-1B і B-2 ляцяць разам

У адрозненне ад тактычных бамбардзіроўшчыкаў, прызначаных для паражэння аб’ектаў праціўніка (мабільнай і стацыянарнай тэхнікі, тактычных баз і асабістага складу) на тэатры ваенных дзеянняў, стратэгічныя бамбардзіроўшчыкі, як правіла, маюць:

• міжкантынентальную далёкасць палёту;

• павялічаную па масе баявую нагрузку (якая валодае найбольш магутным паражальным уздзеяннем);

• больш камфортныя ўмовы для экіпажа (з мэтай захавання яго працаздольнасці ў працяглым палёце).

З-за вялікай бомбавай нагрузкі стратэгічных бамбардзіроўшчыкаў іх могуць выкарыстоўваць для тактычных місій.

Стратэгічныя бамбардзіроўшчыкі Ту-95 (СССР) і B-52 (ЗША) на базе ВВС Барксдэйл (Луізіяна, ЗША). 1992 год.

Станам на 2020-я гады толькі 3 краіны эксплуатуюць стратэгічныя бамбардзіроўшчыкі: ЗША, Расія і Кітай.