Адміністрацыйны падзел Босніі і Герцагавіны

Федэратыўны лад Босніі і Герцагавіны — дзяржава складаецца з мусульмана-харвацкага і сербскага этнітэтаў: Федэрацыі Босніі і Герцагавіны і Рэспублікі Сербскай, блізкімі паводле статусу да суб’ектаў канфедэрацыі, але без права выхаду з яе складу. Акруга Брчко кіруецца асобна ад этнітэтаў.

Федэратыўны лад Босніі і Герцагавіны

Федэрацыя Босніі і Герцагавіны

Падзелена на 10 кантонаў (басн.: kantoni).

• Унска-Санскі
• Пасаўскі
• Тузланскі
• Зеніцка-Добайскі
• Баснійска-Падрынскі
• Сярэднебаснійскі
• Герцагавіна-Нярэтванскі
• Заходнегерцагавінскі
• Сараеўскі
• Герцагбасанскі

Кантоны падзелены на 79 абшчын (харв., басн.: općine).

Рэспубліка Сербская

Рэгіёны (мезарэгіёны) Рэспублікі Сербскай паводле Тэр. плану 2008—2015

Карта абшчын і рэгіёнаў Рэспублікі Сербскай

Рэспубліка Сербская, у адрозненне ад Федэрацыі Босніі і Герцагавіны, падзелена на рэгіёны (сербск.: регије).

Тэрытарыяльны план Рэспублікі Сербскай 2008—2015 гг. утварае 6 рэгіёнаў (сербск.: регије) ці мезарэгіёнаў (сербск.: мезорегије):^[1][2]

1. Прыедар (раней знаходзіўся ў складзе геаграфічнага рэгіёна Баня-Лука)
2. Баня-Лука, у тым ліку 2 субрэгіёны: Мрконіч-Град і Градзішка
3. Добай
4. Біеліна, у тым ліку субрэгіён Зворнік
5. Істочна-Сараева (Усходняе Сараева), у тым ліку субрэгіён Фоча
6. Трэбінэ

Станам на 20 мая 2013 года, РС падзелена на 57 абшчын (сербск.: општина, општине), 6 гарадоў ці гарадскіх абшчын (сербск.: град, градови), у тым ліку Істочна-Сараева, які ўключае як гарадская акруга 6 (з 57-мі) самастойных абшчын. Абшчыны і гарады (гарадскія абшчыны) уключаюць 2756 населеных пунктаў (сербск.: насељено мјесто, насељение мјеста)^[3].

Гл. таксама: Абшчыны Рэспублікі Сербскай

Рэспубліка Сербская таксама падзяляецца на геаграфічныя рэгіёны (сербск.: регије):

• Баня-Лука
• Добай
• Біеліна
• Зворнік
• Сараева-Раманія
• Фоча
• Трэбінэ

Акруга Брчко

Самакіравальная акруга Брчко з’яўляецца адначасова часткай Федэрацыі Босніі і Герцагавіны і Рэспублікі Сербскай. Таксама акруга знаходзіцца пад міжнародным назіраннем.

Зноскі

1. Тэрытарыяльны план Рэспублікі Сербскай да 2015 (нявызн.). Праверана 17. 12. 2010.
2. Просторни план Републике Српске
3. Попис становништва, домаћинстава и станова у Босни и Херцеговини 2013 на територији Републике Српске — Прелиминарни резултати, Републички завод за статистику, Бања Лука, 2013.