Сурдлімпійскія гульні

Сурдлімпійскія гульні ці Дэфлімпіяда (англ.: Deaflympics, ад англ.: deaf — «глухі») — спартыўныя спаборніцтвы людзей з парушэннямі слыху (да 2001 года — Сусветныя гульні глухіх, таксама раней — Міжнародныя гульні глухіх).

Эмблема Сурдлімпійскіх гульняў

Сурдлімпійскія гульні праводзяцца з 1924 года для людзей з парушэннямі слыху. Да ўдзелу ў гульнях дапускаюцца спартсмены, якія маюць страту слыху не менш за 55 дБ на лепшае вуха. Падчас спаборніцтваў удзельнікам забаронена выкарыстоўваць слыхавыя апараты і кахліярныя імпланты. Замест гукавых сігналаў прымяняюцца візуальныя.

Праграма

У праграму Сурдлімпійскіх гульняў уваходзяць наступныя віды спорту ^[1]:

Летнія віды спорту

індывідуальныя

• Бадмінтон, лёгкая атлетыка, боўлінг, гольф, веласпорт-шаша, вольная барацьба, грэка-рымская барацьба, дзюдо, каратэ, маунцінбайк, настольны тэніс, плаванне, спартыўнае арыентаванне, кулявая стральба, тэніс, тхэквандо

камандныя

• Баскетбол, валейбол, пляжны валейбол, футбол, гандбол

Зімовыя віды спорту

індывідуальныя

• Гарналыжны спорт, лыжныя гонкі, снаўбордынг

камандныя

• Кёрлінг, хакей з шайбай

Гл. таксама

• Алімпійскія гульні
• Паралімпійскія гульні

Зноскі

1. Sports - International Committee of Sports for the Deaf Архівавана 3 лютага 2014.