Суэцкі крызіс

Суэ́цкі кры́зіс^[1] — палітычны крызіс і ўзброены канфлікт у 1956 годзе паміж Егіптам і альянсам Вялікабрытаніі, Францыі і Ізраіля.

Прычынай канфлікту была страта кантролю Вялікабрытаніі над Суэцкім каналам пасля яго нацыяналізацыі Егіптам. Нягледзячы на ваенную перамогу, пад ціскам СССР і ЗША кааліцыя вымушана была саступіць Егіпту, што прывяло да зніжэння ўплыву еўрапейскіх краін у рэгіёне, палітычных крызісаў у Брытаніі і Францыі, пазбаўлення Брытанскай імперыі ролі звышдзяржавы і ўзмацнення ўплыву Егіпту і СССР на Блізкім Усходзе.