Сцежарнае (пасёлак)

Сце́жарнае або Сцежарэнскі^[1] — былы пасёлак у Малейкаўскім сельсавеце Брагінскага раёна Гомельскай вобласці Беларусі.

Пасёлак Сцежарнае Краіна Беларусь Вобласць Гомельская Раён Брагінскі Сельсавет Малейкаўскі Каардынаты 51°45′58″ пн. ш. 30°23′38″ у. д.HGЯO Першая згадка 1920-я Насельніцтва 74 чал. (1959) СААТА 3203832071 Сцежарнае Сцежарнае

У паняцця ёсць і іншыя значэнні, гл. Сцежарнае.

Пасля катастрофы на Чарнобыльскай АЭС і радыяцыйнага забруджвання жыхары пераселены ў чыстыя месцы. У 2005 годзе пасёлак быў выключаны са звестак па ўліку населеных пунктаў^[2].

Геаграфія

У 9 км на ўсход ад Брагіна, 37 км ад чыгуначнай станцыі Хойнікі (на галінцы Васілевічы — Хойнікі ад лініі Калінкавічы — Гомель), 128 км ад Гомеля.

На поўначы меліярацыйныя каналы.

Транспартныя сувязі па прасёлкавай, затым аўтадарогах, якія адыходзяць ад Брагіна.

Планіроўка складаецца з кароткай просталінейнай вуліцы, блізкай да мерыдыянальнай арыентацыі. Забудова драўлянымі хатамі сядзібнага тыпу.

Гісторыя

Заснаваны напачатку 1920-х гадоў перасяленцамі пераважна з вёскі Сцежарнае на былых памешчыцкіх землях. У 1932 годзе арганізаваны калгас. У 1959 годзе ўваходзіў у склад калгаса «Сцяг Леніна» (цэнтр — вёска Зарэчча).

Да 26 сакавіка 1987 года пасёлак уваходзіў у склад Крыўчанскага сельсавета^[3].

Насельніцтва

• 1959 год — 74 жыхары (паводле перапісу).
• 1980-я — жыхары пераселены.