Сцяг Грэнады

Сем зорак сцяга Грэнады выкарыстаны ў якасці сімвала надзеі на добрую будучыню, а таксама сімвалічна адлюстроўваюць сем адміністрацыйных адзінак у складзе астраўной краіны: Сент-Джорджэс (вялікая зорка ў сярэдзіне сцяга для сталіцы), Сент-Джон, Сент-Марк, Сент-Патрык, Сент-Эндру, Сент-Дэвід і астраўны ланцуг Грэнадзінаў. Колеры сцяга маюць наступныя значэнні:

• Чырвоны сімвалізуе гармонію і яднанне ў спалучэнні з мужнасцю, якая была неабходнай у набыцці незалежнасці краіны.
• Жоўты — колер сонца і добразычлівасці жыхароў краіны, а таксама сімвал мудрасці.
• Зялёны сімвалізуе пладароднасць сельскай гаспадаркі, якая складае эканамічную аснову Грэнады.

Сцяг Грэнады
Зацверджаны	7 лютага 1974
Прапорцыя	3:5
Аўтар сцяга	Anthony C. George
Ідэя сцяга	Anthony C. George[d]
Цывільны і ўрадавы марскі сцяг Ваенна-марскі сцяг
Прапорцыя	1:2

У левым зялёным трохвугольніку знаходзіцца мускатны арэх, вырошчванне якога з'яўляецца асновай эканомікі Грэнады і важнейшым прадуктам экспарту.

Сцяг Грэнады быў афіцыйна зацверджаны 7 лютага 1974 года.