Сцяпан Андрэевіч Стурэйка

Сцяпан Андрэевіч Стурэйка (нар. 1984, Гродна) — беларускі гісторык, культурны антраполаг і пісьменнік. Доктар гуманітарных навук, дацэнт.

Сцяпан Андрэевіч Стурэйка
Дата нараджэння	1984
Месца нараджэння	Гродна, Гродзенская вобласць, Беларуская ССР, СССР
Род дзейнасці	гісторык, сацыяльны антраполаг
Месца працы	Еўрапейскі гуманітарны ўніверсітэт
Альма-матар	БДУ
Член у	Беларускі камітэт ICOMOS[d]
Узнагароды	праграма Фулбрайта

Біяграфія

Нарадзіўся і вырас у Гродне. Скончыў гістарычны факультэт БДУ. З 2008 г. выкладае ў ЕГУ у Вільні^[1], дацэнт.

У 2012 годзе падпісаў адкрыты ліст у абарону Андрэя Чарнякевіча, звольненага з Гродзенскага ўніверсітэта пасля выхаду кнігі «Гродназнаўства»^[2].

Былы Старшыня ліквідаванага ў 2021 г. Беларускага камітэта ICOMOS^[3].

Навуковая дзейнасць і творчасць

У 2015 г. у Ягелонскім універсітэце атрымаў ступень доктара гуманітарных навук у галіне этналогіі. Тэма дысертацыйнага даследавання «Сямейныя і грамадскія традыцыі афганцаў у Беларусі (канец ХХ — пачатак ХХІ ст.)»^[4][1].

Займаецца праблемамі аховы і інтэрпрэтацыі культурнай спадчыны, праблемамі міжнацыянальных зносінаў у Беларусі, а таксама працэсамі канструкцыі вобразу Беларусі ў ХІХ ст. З 2007 года актыўна публікуе даследаванні, прысвечаныя пытанням гісторыі і культурнай спадчыны. Аўтар кніжкі «Беларускія губерні ў руска-японскай вайне 1904—1905 гг. Гродзенскі Свята-Пакроўскі Кафедральны сабор — помнік загінуўшым», шматлікіх артыкулаў^[5].

Першая мастацкая кніга аўтара, «Пасажыры карабля Тэсэя», выйшла ў 2022 годзе. Творы, змешчаныя ў кнізе, складаюцца з парадаксальных ідэй, чорнага гумару і цікавостак з падарожжаў. Кніга атрымала 2 месца на літаратурнай прэміі імя Ежы Гедройца ў 2023 годзе.