Сцяпан Сцяпанавіч Манковіч

Сцяпан Сцяпанавіч Манковіч (13 мая 1905, вёска Беразіно- 18 красавіка 1978, Віцебск) — Герой Савецкага Саюза (1944).

Сцяпан Сцяпанавіч Манковіч
Род дзейнасці	дзяржаўны служачы, Савецкі партызанскі рух
Дата нараджэння	30 красавіка (13 мая) 1905
Месца нараджэння	Беразіно, Барысаўскі павет, Мінская губерня, Расійская імперыя
Дата смерці	18 красавіка 1978(1978-04-18) (72 гады)
Месца смерці	Віцебск, Віцебская вобласць, Беларуская ССР, СССР
Месца пахавання	Мазурынскія могілкі[d]
Грамадзянства	Беларуская ССР  СССР
Альма-матар	Вышэйшая партыйная школа пры ЦК КПСС
Бітвы/войны	Вялікая Айчынная вайна
Узнагароды і прэміі

Біяграфія

Скончыў ВПШ пры ЦК ВКП(б) (1926). З 1929 года на савецкай і гаспадарчай рабоце, з 1939 — сакратар Бягомльскага райкама КП(б)Б. У Вялікую Айчынную вайну — у тыле ворага, з сакавіка 1942 — у партызанах, камісар атрада, у верасні 1942 — снежні 1943 гг. — камісар партызанскай брыгады «Жалязняк», адначасова сакратар Бягомльскага падпольнага райкама КП(б)Б.

Пасля вайны — на савецкай і партыйнай рабоце.

Памяць

На радзіме ў вёсцы Беразіно на тэрыторыі сярэдняй школы ўстаноўлены бюст, яго імя прысвоена гэтай школе. Адна з вуліц гарадскога пасёлка Бягомль названа імем С. С. Манковіча.

Літаратура

• Манковіч Сцяпан Сцяпанавіч // Энцыклапедыя гісторыі Беларусі: у 6 т. / рэдкал.: Г. П. Пашкоў [і інш.]. — Мн., 1999. — Т. 5. — С. 70.
• Беларуская энцыклапедыя: У 18 т. Т. 10: Малайзія — Мугараджы / Рэдкал.: Г. П. Пашкоў і інш.. — Мн.: БелЭн, 2000. — Т. 10. — С. 84. — 544 с. — 10 000 экз. — ISBN 985-11-0169-9 (Т. 10).