Сьера-Невада-дэ-Санта-Марта

Сье́ра-Нева́да-дэ-Са́нта-Ма́рта^[1] (ісп.: Sierra Nevada de Santa Marta) — ізаляваны горны масіў на поўначы Анд, на ўзбярэжжы Прыкарыбскай нізіны. Вышыня 5780^[2] (5775^[3]) м (гара Крыстабаль-Калон — самая высокая ў Калумбіі).

Сьера-Невада-дэ-Санта-Марта
Від на масіў Сьера-Невада-дэ-Санта-Марта з космасу
10°52′ пн. ш. 73°43′ з. д.HGЯO
Краіна	Калумбія
Медыяфайлы на Вікісховішчы

Складзены пераважна крышталічнымі і метамарфічнымі пародамі, схілы — асадкавымі. На вяршынях — вечны снег і ледавікі. На паўночных схілах — лясы, на паўднёвых — ксерафітныя рэдкалессі і хмызнякі, у верхнім поясе на вышыні 3000—4500 м высакагорная вечназялёная расліннасць (парамас), якая характарызуецца рэдкімі невысокімі дрэўцамі (2—5 м вышынёй), пераважна з сямейства складанакветных.