Сямён Вікенцьевіч Кароль

У Вікіпедыі ёсць артыкулы пра іншых людзей з прозвішчам Кароль (значэнні).

Сымон Кароль, поўнае імя Сямён Вікенцьевіч Кароль (19 мая 1888 — 15 красавіка 1946, Вільня) — беларускі настаўнік.

Сямён Вікенцьевіч Кароль
Дата нараджэння	19 (31) мая 1888
Дата смерці	15 красавіка 1946(1946-04-15) (57 гадоў)
Месца смерці	Вільня, Віленскае гарадское самакіраванне, Літоўская ССР, СССР
Месца пахавання	Свята-Ефрасіннеўскія могілкі
Дзеці	Усевалад Сямёнавіч Кароль і Леанід Сямёнавіч Кароль
Род дзейнасці	настаўнік
Месца працы	Радашковіцкая беларуская гімназія Віленская беларуская гімназія

Біяграфія

Скончыў Барунскую настаўніцкую школу ў 1906 годзе.^[1]

У 1908—1909 гадах стаў загадчыкам царкоўнапрыходскай школы на Звярынцы паблізу Знаменскай царквы ў Вільні. Жыў тым часам побач школы, па адрасе Старая вуліца, 5 (цяпер Treniotos g., 5), дзе ў Караля пэўны час кватараваў Янка Купала.^[2]

Падчас Першай сусветнай вайны служыў у Рускай імператарскай арміі.^[3]

Пазней выкладчык беларускай мовы Радашковіцкай беларускай гімназіі. Затым шматгадовы выкладчык спеваў у Віленскай беларускай гімназіі, дзе таксама быў кіраўніком бацькоўскага камітэту ў 1930-я гады.^[4]

Здымак у Радашковічах (1928). У цэнтры Аляксандр Уласаў. Першы злева Сымон (Сямён) Кароль. З фондаў сучаснага Віленскага Беларускага Музея імя Івана Луцкевіча.

Зінаіда Кароль.

У шлюбе з Зінаідай Іванаўнай Вальковіч (27.2.1896-15.11.1975), мелі сыноў Леаніда і Усевалада.^[3]

Бацька Зінаіды — Іван Вікенцьевіч Вальковіч, канторшчык Службы цягі і рухомага саставу. Імаверна, была сястра Вольга.^[3]

Пахаваны побач жонкі на Ефрасіннеўскіх могілках у Вільні^[5].