Сяргей Іванавіч Даніленка

Сяргей Іванавіч Даніленка (нар. 21 лютага 1968, г. Смалявічы, Мінская вобласць) — беларускі літаратуразнавец, спецыяліст у галіне беларускага літаратуразнаўства. Падпалкоўнік міліцыі (у запасе). Кандыдат філалагічных навук (1997), дацэнт (2001)^[1].

Сяргей Іванавіч Даніленка
Дата нараджэння	21 лютага 1968(1968-02-21) (57 гадоў)
Месца нараджэння	Смалявічы, Смалявіцкі раён, Мінская вобласць, Беларуская ССР, СССР
Грамадзянства	Беларусь
Род дзейнасці	літаратуразнавец
Месца працы	факультэт славянскай філалогіі МДУ імя А. А. Куляшова[d] Магілёўскі інстытут МУС Рэспублікі Беларусь
Навуковая ступень	кандыдат філалагічных навук
Навуковае званне	дацэнт
Альма-матар	факультэт славянскай філалогіі МДУ імя А. А. Куляшова[d] (1992)

У Вікіпедыі ёсць артыкулы пра іншых людзей з прозвішчам Даніленка.

Біяграфія

Нарадзіўся 21 лютага 1968 года ў Смалявічах Мінскай вобласці. Скончыў у 1992 годзе Магілёўскі дзяржаўны педагагічны інстытут імя А. А. Куляшова па спецыяльнасці «Беларуская мова і літаратура»^[1].

У 1997—2005 гадах працаваў на кафедры беларускай літаратуры Магілёўскага дзяржаўнага ўніверсітэта імя А. А. Куляшова, дацэнт. З 2005 года на кафедры сацыяльна-гуманітарных дысцыплін Магілёўскага інстытута Міністэрства ўнутраных спраў Рэспублікі Беларусь, у 2010—2016 — загадчык кафедры^[1].

Навуковыя інтарэсы: сацыяльны міф у мастацкім тэксце; семіётыка геральдыкі^[1].