Сяргей Іванавіч Дарошка

Сяргей Іванавіч Дарошка — генерал-маёр міліцыі, начальнік Акадэміі МУС Рэспублікі Беларусь (2019—2021).

Сяргей Іванавіч Дарошка
Альма-матар	Саратаўскі ваенны інстытут войскаў нацыянальнай гвардыі Расійскай Федэрацыі[d]
Месца працы	Акадэмія Міністэрства ўнутраных спраў Рэспублікі Беларусь
Грамадзянства	Беларусь
Званне	Генерал-маёр
Узнагароды і званні	медаль «За бездакорную службу»

У Вікіпедыі ёсць артыкулы пра іншых людзей з прозвішчам Дарошка.

Біяграфія

У 1989—1993 гадах навучаўся ў Саратаўскім вышэйшым ваенным камандным Чырванасцяжным вучылішчы імя Ф. Э. Дзяржынскага ўнутраных войскаў МУС Расіі, пасля заканчэння якога там жа камандаваў узводам курсантаў. З мая 1994 года служыў ва ўнутраных войсках МУС Беларусі. У в/ч 6713 (Магілёў) прайшоў шлях ад намесніка камандзіра роты да намесніка камандзіра часці — начальніка штаба. Быў на розных пасадах служыў у в/ч 7404 (Баранавічы), якой затым камандаваў з 2003 па 2006 год.

У 2000 годзе скончыў камандна-штабны факультэт, а ў 2010—2012 гадах з’яўляўся слухачом факультэта Генеральнага штаба Ваеннай акадэміі Беларусі.

У 2006—2008 гадах быў намеснік начальніка ўпраўлення баявой службы ГУКУВ МУС. Затым служыў на пасадах намесніка камандзіра па баявой падрыхтоўцы і першага намесніка камандзіра — начальніка штаба в/ч 3403 (Мінск).

У 2012 годзе ўзначаліў Дэпартамент выканання пакаранняў МУС. З лістапада 2017 года быў начальнікам ГУУС Мінгарвыканкама^[1].

З 2019 па 29 ліпеня 2021 года^[2] з’яўляўся начальнікам Акадэміі Міністэрства ўнутраных спраў Рэспублікі Беларусь.

Узнагароды

• Ордэн «За службу Радзіме» III ступені,
• медаль «За бездакорную службу» ўсіх ступеняў.

Зноскі

1. Руководство Академии МВД Республики Беларусь (нявызн.)(недаступная спасылка). Архівавана з першакрыніцы 21 студзеня 2021. Праверана 29 снежня 2020.
2. [https://pravo.by/document/?guid=12551&p0=P32100293&p1 Указ Президента Республики Беларусь от 29 июля 2021 года № 293 «О С. И. Дорошко»]