Сяргей Мікалаевіч Ігнашэвіч

Сяргей Ігнашэвіч (руск.: Сергей Игнашевич; нар. 14 ліпеня 1979, Масква, СССР) — расійскі футбаліст (абаронца) і трэнер беларускага паходжання^[2]. Ігрок нацыянальнай зборнай Расіі (2002—2018). На клубным ўзроўні вядомы па выступах за маскоўскі ЦСКА. Рэкардсмен зборнай Расіі па колькасці матчаў (127).

Сяргей Ігнашэвіч
Сяргей Ігнашэвіч у зборнай Расіі
Агульная інфармацыя
Поўнае імя	Сяргей Мікалаевіч Ігнашэвіч
Нарадзіўся	14 ліпеня 1979(1979-07-14)[1] (46 гадоў) Масква, РСФСР, СССР
Грамадзянства	Расія
Рост	186 см
Вага	82 кг
Пазіцыя	цэнтральны абаронца
Інфармацыя пра клуб
Клуб	Балтыка
Пасада	галоўны трэнер
Маладзёжныя клубы
1988—1997 Тарпеда (Масква) 1997 Спартак (Масква)
Клубная кар’ера[* 1]
1998 Патрыёт (Масква) КФК 1998 Спартак-Арэхава 17 (0) 1999—2000 Крылы Саветаў 31 (2) 2001—2003 Лакаматыў (Масква) 77 (4) 2004—2018 ЦСКА (Масква) 381 (35)
Нацыянальная зборная[* 2]
2000 Расія (да 21) 12 (0) 2002—2018 Расія 127 (8)
Трэнерская кар’ера
2018—2019 ЦСКА (Масква) мол. 2019—2021 Тарпеда (Масква) 2021— Балтыка (Калінінград)
Узнагароды і медалі
Чэмпіянаты Еўропы Бронза Аўстрыя/Швейцарыя 2008 Дзяржаўныя ўзнагароды
Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў. Колькасць гульняў і галоў за нацыянальную зборную ў афіцыйных матчах
Медыяфайлы на Вікісховішчы

У цяперашні час працуе галозным трэнерам калінінградскай «Балтыкі».

Клубная кар’ера

Бацька Сяргея паходзіць з вёскі Хорастава (цяпер Салігорскі раён Мінскай вобласці Беларусі)^[2]. З’яўляецца выхаванцам тарпедаўскай футбольнай школы, але гуляць пачаў за клубы «Спартак-Арэхава» і «Крылы Саветаў». 3 2001 года выступаў за сталічны «Лакаматыў», з якім стаў чэмпіёнам краіны. У складзе ЦСКА дэбютаваў 12 сакавіка 2004 года ў матчы супраць футбольнага клуба «Масква».

Міжнародная кар’ера

Дэбютаваў у складзе зборнай Расіі 21 жніўня 2002 года ў матчы супраць каманды Швецыі.

Пасля чэмпіянату Еўропы 2016 спаніў выступленні за зборную, аднак вярнуўся ў яе перад чэмпіянатам свету 2018. 8 ліпеня 2018 года, пасля чвэрцьфінальнага матчу супраць Харватыі, абвясціў аб завяршэнні кар’еры як у зборнай, так і ў ЦСКА^[3].

Трэнерская кар’ера

У ліпені 2018 года ўвайшоў у трэнерскі штаб моладзевага складу ЦСКА. З чэрвеня 2019 года па сакавік 2021 года ўзначальваў маскоўскае «Тарпеда».

У кастрычніку 2021 года быў прызначаны галоўным трэнерам калінінградскай «Балтыкі»^[4].

Асабістае жыццё

Жанаты, мае чатырох сыноў, два з якіх ад першага шлюбу.

Дасягненні

Лакаматыў Масква:

• Чэмпіён Расіі: 2002
• Сярэбраны прызёр чэмпіянату Расіі: 2001
• Уладальнік Кубка Расіі: 2001
• Уладальнік Суперкубка Расіі: 2003

ЦСКА Масква:

• Чэмпіён Расіі (5): 2005, 2006, 2013, 2014, 2016
• Сярэбраны прызёр чэмпіянату Расіі (6): 2004, 2008, 2010, 2015, 2017, 2018
• Бронзавы прызёр чэмпіянату Расіі (2): 2007, 2012
• Уладальнік Кубка Расіі (6): 2005, 2006, 2008, 2009, 2011, 2013
• Уладальнік Суперкубка Расіі (6): 2004, 2006, 2007, 2009, 2013, 2014
• Уладальнік Кубка УЕФА: 2005

Расія:

• Бронзавы прызёр чэмпіянату Еўропы: 2008