Сяргей Аляксандравіч Сямашка

Сяргей Аляксандравіч Сямашка (нар. 12 кастрычніка 1960, в. Коцькі Дзятлаўскага раёна Гродзенскай вобласці) — беларускі палітык.

Сяргей Аляксандравіч Сямашка
Нараджэнне	12 кастрычніка 1960(1960-10-12) (64 гады) Коцькі, Дварэцкі сельсавет, Дзятлаўскі раён, Гродзенская вобласць, Беларуская ССР, СССР
Адукацыя	Акадэмія кіравання пры Прэзідэнце Рэспублікі Беларусь Пецярбургскі дзяржаўны ўніверсітэт шляхоў зносін
Месца працы	БЧ
Узнагароды	ганаровая грамата Нацыянальнага сходу Рэспублікі Беларусь

У Вікіпедыі ёсць артыкулы пра іншых людзей з прозвішчам Сямашка.

Біяграфія

Скончыў Ленінградскі інстытут інжынераў чыгуначнага транспарту (інжынер шляхоў зносін — будаўнік), Акадэмію кіравання пры Прэзідэнце Рэспублікі Беларусь (менеджар інфармацыйных сістэм).

Працаваў дарожным майстрам, галоўным інжынерам дыстанцыі пуці, начальнікам пуцявой машыннай станцыі № 94 Прыбалтыйскай чыгункі, галоўным інжынерам пуцявой машыннай станцыі № 118 Беларускай чыгункі, намеснікам начальніка дыстанцыі пуці па кадрах і быту Віцебскай дыстанцыі пуці Беларускай чыгункі.

Выбіраўся дэпутатам Палаты прадстаўнікоў Нацыянальнага сходу Рэспублікі Беларусь другога, трэцяга і чацвёртага скліканняў.

Узнагароды

Узнагароджаны медалямі «За працоўныя заслугі», «90 год Узброеных Сіл Рэспублікі Беларусь», Ганаровай граматай Нацыянальнага сходу Рэспублікі Беларусь^[1][2].

Зноскі

1. ПАРЛАМЕНТ- Нацыянальны сход Рэспублікі Беларусь трэцяга склікання Архівавана 16 верасня 2020.
2. СЕМАШКО СЕРГЕЙ АЛЕКСАНДРОВИЧ(недаступная спасылка)