Сяргей Васілевіч Рублеўскі

У Вікіпедыі ёсць артыкулы пра іншых людзей з прозвішчам Рублеўскі.

Сяргей Васілевіч Рублеўскі (нар. 24 снежня 1954, в. Бабча, Лепельскі раён, Віцебская вобласць — 13 мая 2025) — беларускі паэт, празаік, публіцыст.

Сяргей Васілевіч Рублеўскі
Асабістыя звесткі
Дата нараджэння	24 снежня 1954(1954-12-24)
Месца нараджэння	Бабча, Каменскі сельсавет, Лепельскі раён, Віцебская вобласць, Беларуская ССР, СССР
Дата смерці	13 мая 2025(2025-05-13) (70 гадоў)
Альма-матар	Віцебскі дзяржаўны ўніверсітэт імя П. М. Машэрава
Месца працы	Зара[d] Наша Талачыншчына Віцебскі рабочы Народнае слова
Прафесійная дзейнасць
Род дзейнасці	публіцыст, пісьменнік, паэт, журналіст
Мова твораў	беларуская
Грамадская дзейнасць
Член у	Саюз беларускіх пісьменнікаў
Прэміі	Гліняны Вялес (2012) Залаты апостраф (2020)

Біяграфія

Вучыўся ў Бароўскай сярэдняй школе, скончыў фізіка-матэматычны факультэт Віцебскага педінстытута. Пасля вучобы працаваў настаўнікам у Капыльскім раёне. З 1978 года ў журналістыцы. Працаваў у Бешанковіцкай раённай газеце «Зара», у Талачынскай — «Сцяг Ільіча», у абласной — «Віцебскі рабочы». З 1990 года, з дня заснавання, да 2008 года — галоўны рэдактар абласной газеты «Народнае слова». З 2008 па 2013 гады — намеснік начальніка галоўнага ўпраўлення юстыцыі Віцебскага аблвыканкама — начальнікам аддзела па архівах і справаводстве. Сябра Саюза беларускіх пісьменнікаў з 2001 года.

Бібліяграфія

• «Апостраф» (2000)
• «Азярод» (2003)
• «Абмытыя валуны» (2005)
• «Ў, тое, што мы скарацілі». (2008).
• «Маўчанне на ўвесь Божы свет». (2011).
• «Святло лускі». (2012).
• «Паспець надыхацца». (2012).
• «Мамін шэпт пад абразамі». (2016).

Узнагароды

• прэмія «Гліняны Вялес» (2012) за кнігу «Паспець надыхацца»^[1].
• прэмія «Залаты апостраф» (2020) за найлепшыя празаічныя творы ў 2020 годзе^[2].

Зноскі

1. «Глінянага Вялеса» атрымаў Сяргей Рублеўскі — nashaniva.by, 01.03.2013, 16:22
2. Названы лаўрэаты прэмій імя Міхася Стральцова і часопіса «Дзеяслоў» «Залаты апостраф»