Сяргей Мікалаевіч Мялешкін

Сяргей Мікалаевіч Мялешкін (нар. 30 жніўня 1979, в. Валынцы, Верхнядзвінскі раён) — беларускі дзяржаўны службовец і дэпутат.

Сяргей Мікалаевіч Мялешкін
Нараджэнне	30 жніўня 1979(1979-08-30) (46 гадоў) Валы́нцы, Валынецкі сельсавет, Верхнядзвінскі раён, Віцебская вобласць, Беларуская ССР, СССР

У Вікіпедыі ёсць артыкулы пра іншых людзей з прозвішчам Мялешкін.

Біяграфія

Нарадзіўся 30 жніўня 1979 года ў вёсцы Валынцы Верхнядзвінскага раёна Віцебскай вобласці^[1].

Скончыў Гомельскі інжынерны інстытут МНС Рэспублікі Беларусь па спецыяльнасці «Папярэджанне і ліквідацыя надзвычайных сітуацый», Камандна-інжынерны інстытут МНС Рэспублікі Беларусь па спецыяльнасці «Інжынірынг бяспекі аб’ектаў будаўніцтва», Акадэмію кіравання пры Прэзідэнце Рэспублікі Беларусь па спецыяльнасці «Дзяржаўнае і мясцовае кіраванне»^[1].

Служыў інспектарам дзяржаўнага пажарнага нагляду пажарнага аварыйна-выратавальнага атрада Кастрычніцкага раёна г. Віцебска; інспектарам, намеснікам начальніка аддзела па дзяржаўным пажарным наглядзе Сенненскага РАНС; інспектарам дзяржаўнага пажарнага нагляду Добрушскага РАНС; старшым інжынерам, намеснікам начальніка аддзела, начальнікам аддзела нагляду і прафілактыкі, першым намеснікам начальніка Гомельскага абласнога ўпраўлення МНС^[1]. Начальнік Віцебскага абласнога ўпраўлення МНС Беларусі^[1].

Дэпутат Віцебскага абласнога Савета дэпутатаў 29-га склікання^[1].

Дэлегат VI і VII Усебеларускіх народных сходаў^[1].

Выбраны ў 2024 годзе членам Савета Рэспублікі Нацыянальнага сходу Беларусі 8-га склікання ад Віцебскай вобласці (вылучаны ад Браслаўскага, Мёрскага, Пастаўскага, Шаркаўшчынскага раёнаў)^[1]. Член Пастаяннай камісіі Савета Рэспублікі па міжнародных справах і нацыянальнай бяспецы^[1].

Старшыня савета Віцебскага абласнога аддзялення Беларускай федэрацыі дзюдо, савета калектываў фізічнай культуры Віцебскага абласнога ўпраўлення МНС БФСТ «Дынама»; член Беларускага добраахвотнага пажарнага таварыства, Беларускага рэспубліканскага таварыства выратавання на водах, абласных камісій і штабоў па пытаннях бяспекі і павышэння ўзроўню жыццядзейнасці насельніцтва^[1].

Узнагароды

Узнагароджаны медалямі «За бездакорную службу» I, II, III ступеняў, «За адзнаку ў папярэджанні і ліквідацыі надзвычайных сітуацый»^[1].