Сяргей Пятровіч Гурулёў

Сярге́й Пятровіч Гурулёў (21 лютага 1953, Чыцінская вобласць, РСФСР) — беларускі ваенны, генерал-лейтэнант, былы начальнік Генеральнага штаба Узброеных Сіл — першы намеснік міністра абароны Рэспублікі Беларусь^[1].

Сяргей Пятровіч Гурулёў
Дата нараджэння	21 лютага 1953(1953-02-21) (72 гады)
Месца нараджэння	Чыцінская вобласць
Грамадзянства	Беларусь  СССР
Прыналежнасць	Беларусь СССР
Род войскаў	Танкавыя войскі
Гады службы	1974 — дасюль
Званне	Генерал-лейтэнант
Камандаваў	Начальнік Генеральнага штаба Узброеных Сіл — першы намеснік міністра абароны Рэспублікі Беларусь
Узнагароды і званні	Ордэн «За службу Радзіме» II ступені Ордэн «За службу Радзіме» III ступені

Біяграфія

Скончыў у 1974 годзе Благавешчанскае вышэйшае танкавае каманднае вучылішча. Служыў камандзірам вучэбнага танкавага ўзводу, роты, начальнікам штаба — намеснікам камандзіра танкавага батальёна ў Забайкальскай ваеннай акрузе. Пасля ў Групе савецкіх войскаў у ГДР.

У 1986 скончыў з адзнакай Ваенную акадэмію бранетанкавых войскаў. Далей служыў на Беларусі. Камандзір танкавага палка, мотастралковай дывізіі, асобнай механізаванай брыгады.

У 1997 паступіў у Ваенную акадэмію Генеральнага штаба Узброеных Сіл Расійскай Федэрацыі, якую скончыў з адзнакай і залатым медалём.

З ліпеня 2000 — камандзір 28-га армейскага корпуса, з лютага 2001 — начальнік Галоўнага штаба Узброеных Сіл Рэспублікі Беларусь — першы намеснік міністра абароны.

4 снежня 2009 года прызначаны старшынёй Ваенна-прамысловага камітэта^[2].

16 кастрычніка 2015 года пастановай Савета Міністраў № 870 у складзе Урада склаў свае паўнамоцтвы перад нававыбраным Прэзідэнтам Рэспублікі Беларусь^[3], а 17 снежня 2015 года ўказам Прэзідэнта № 500 зноў зацверджаны на пасадзе старшыні камітэта^[4]. Вызвалены ад пасады старшыні Дзяржаўнага ваенна-прамысловага камітэта 20 чэрвеня 2017 года^[5].

Узнагароды

• Ордэн «За службу Радзіме» ІI ступені — 6.1.2008^[6]
• Ганаровая грамата Савета Міністраў Рэспублікі Беларусь ^[7].

Зноскі

1. загад прэзідэнта РБ № 687 ад 12 снежня 2001
2. Президент Республики Беларусь рассмотрел ряд кадровых вопросов, 4.12.2009, pravo.by(недаступная спасылка) (руск.)
3. Пастанова Савета Міністраў Рэспублікі Беларусь № 870 «Аб складанні паўнамоцтваў Урада Рэспублікі Беларусь» (руск.)(недаступная спасылка) (16 кастрычніка 2015). Архівавана з першакрыніцы 4 сакавіка 2016. Праверана 17 кастрычніка 2015.
4. Назначаны члены ўрада Рэспублікі Беларусь (нявызн.). http://president.gov.by+(17 снежня 2015).
5. Указ Прэзідэнта Рэспублікі Беларусь № 219 «Аб вызваленні ад пасады» (руск.). Национальный правовой Интернет-портал Республики Беларусь (20 чэрвеня 2017).
6. Партал прэзідэнта РБ
7. Аб узнагароджанні С.П.Гурулёва і А.А.Раўкова Ганаровай граматай Савета Міністраў Рэспублікі Беларусь