Сяргей Тадэвушавіч Мядзвецкас

Сяргей Тадэвушавіч Мядзвецкас (нар. 29 красавіка 1987(1987-04-29), Солы^[d], Салечніцкі раён^[d])) — беларускі дзяржаўны службовец.

Сяргей Тадэвушавіч Мядзвецкас
старшыня Астравецкага раённага выканаўчага камітэта з 24 кастрычніка 2024
Папярэднік	Ігар Яраслававіч Шалудзін
Нараджэнне	29 красавіка 1987(1987-04-29) (38 гадоў) Солы[d], Яшунская сянюнія[d], Салечніцкі раён[d], Літоўская ССР, СССР
Партыя	Белая Русь
Адукацыя	Гродзенскі дзяржаўны аграрны універсітэт Акадэмія кіравання пры Прэзідэнце Рэспублікі Беларусь
Месца працы	Ашмянскі раённы выканаўчы камітэт Смаргонскі раённы выканаўчы камітэт Астравецкі раённы выканаўчы камітэт

Біяграфія

Нарадзіўся 29 красавіка 1987 года ў вёсцы Солы^[lt] Салечніцкага раёна Літоўскай ССР^[1].

У 2009 годзе скончыў Гродзенскі дзяржаўны аграрны ўніверсітэт па спецыяльнасці «кіраванне арганізацыямі і падраздзяленнямі аграпрамысловага комплексу». У 2020 годзе прайшоў перападрыхтоўку ў Акадэміі кіравання пры Прэзідэнце Рэспублікі Беларусь па спецыяльнасці «дзяржаўнае і мясцовае кіраванне»^[1].

Працоўную дзейнасць пачаў у 2009 годзе вядучым спецыялістам упраўлення сельскай гаспадаркі і харчавання Ашмянскага раённага выканаўчага камітэта. З 2010 па 2017 год узначальваў камунальнае раённае сельскагаспадарчае ўнітарнае прадпрыемства — эксперыментальную базу «Баруны»^[1].

З студзеня 2018 года займаў пасаду першага намесніка старшыні і начальніка ўпраўлення сельскай гаспадаркі і харчавання Смаргонскага райвыканкама^[1]. З 24 кастрычніка 2024 года старшыня Астравецкага раённага выканаўчага камітэта^[2].

Член Беларускай партыі «Белая Русь»^[3].

Жыве ў горадзе Ашмяны.^[1]

Сям’я

Жанаты, выхоўвае дваіх дзяцей^[1].