Сярэдзінны хрыбет

Сярэ́дзінны хрыбет, Заходні хрыбет^[1] (руск.: Срединный хребет, Западный хребет^[2][3]) — горны хрыбет у Камчацкім краі Расіі, галоўны водападзельны хрыбет паўвострава Камчатка.

Сярэдзінны хрыбет
56° пн. ш. 158° у. д.HGЯO
Краіна	Расія
Рэгіён	Камчацкі край
Даўжыня	1 200 км
Шырыня	да 120 км
Найвышэйшая вяршыня	Ічынская Сопка
Вышыня	3621 м
Медыяфайлы на Вікісховішчы

Даўжыня хрыбта каля 1200 км, шырыня да 120 км. Найвышэйшы пункт — вулкан Ічынская Сопка (3621 м). З’яўляецца сістэмай ланцугоў вулканаў, лававых плато, асобных горных масіваў і ізаляваных гор, пакрытых ледавікамі (плошча 866 км²^[2][3]). Складзены з крышталічных сланцаў, гнейсаў, пясчанікаў і вулканічных парод. Вылучаюцца хрыбты Малкінскі, Казырэўскі, Быстрынскі. У ніжняй частцы схілаў лясы каменнай бярозы, вольхавага сланіку і кедравага сланіку, вышэй — горная тундра.