Сілвештры Варэла

У Вікіпедыі ёсць артыкулы пра іншых людзей з прозвішчам Варэла.

Сілве́штры Мануэ́л Ганса́лвіш Варэ́ла^[2] або Сілвестрэ Варэла (парт.: Silvestre Manuel Gonçalves Varela; нар. 2 лютага 1985, Алмада, Партугалія) — партугальскі футбаліст, нападнік клуба «Порту B» і былы ігрок нацыянальнай зборнай Партугаліі.

Сілвештры Варэла
Агульная інфармацыя
Поўнае імя	Сілвештры Мануэл Гансалвіш Варэла
Нарадзіўся	2 лютага 1985(1985-02-02)[1] (40 гадоў) Алмада, акруга Сетубал[d], Партугалія
Грамадзянства	Партугалія
Рост	180 см
Вага	74 кг
Пазіцыя	правы вінгер
Інфармацыя пра клуб
Клуб	Порту B
Нумар	81
Маладзёжныя клубы
1993—2001 Пашкадорыш 2001—2004 Спортынг (Лісабон)
Клубная кар’ера[* 1]
2004—2009 Спортынг (Лісабон) 2 (0) 2004 →  Спортынг B (Лісабон) 1 (0) 2004—2005 →  Каса Пія 36 (11) 2006—2009 →  Віторыя (Сетубал) 45 (4) 2007—2008 →  Рэкрэатыва 22 (0) 2008—2009 Эштрэла (Амадора) 28 (5) 2009—2017 Порту 141 (33) 2014 →  Вест Бромвіч Альбіён 7 (1) 2015 →  Парма 19 (3) 2017—2019 Кайсерыспор 55 (3) 2019—2021 Белененсіш 52 (3) 2021— Порту B
Нацыянальная зборная[* 2]
2003 Партугалія (да 18) 5 (1) 2003—2004 Партугалія (да 19) 13 (4) 2004—2005 Партугалія (да 20) 5 (2) 2004—2007 Партугалія (да 21) 28 (8) 2010—2015 Партугалія 27 (5)
Узнагароды і медалі
Чэмпіянаты Еўропы Бронза Польшча/Украіна 2012
Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 25 ліпеня 2022. Колькасць гульняў і галоў за нацыянальную зборную ў афіцыйных матчах, адкарэктавана станам на 23 чэрвеня 2015
Медыяфайлы на Вікісховішчы

Кар’ера

«Спортынг»

Варэла з’яўляецца выхаванцам акадэміі клуба «Пашкадорыш», адкуль у 2002 годзе перайшоў у моладзевы склад лісабонскага «Спортынга». У 2004 годзе Варэла перайшоў, на правах арэнды, у клуб «Каса Пія». У сезоне 2005/06 Варэла правёў першыя 4 матчы за «Спортынг». У наступным годзе ён зноў быў аддадзены ў арэнду, у іспанскі клуб «Рэкрэатыва», за які правёў 22 гульні.

У чэрвені 2008 года Варэла вярнуўся ў «Спортынг», але ў тым жа міжсезонні ён быў прададзены ў клуб «Эштрэла» з Амадоры. За «Эштрэлу» Варэла правёў добры сезон, забіўшы 7 галоў у 32 гульнях.

«Порту»

3 сакавіка 2009 года Варэла падпісаў 5-гадовы кантракт з клубам «Порту»^[3]. Футбаліст перайшоў у «Порту» на правах свабоднага агента 1 ліпеня таго ж года^[4].

У сваім першым сезоне ў «Порту» Варэла займаў пазіцыю другога нападніка пасля калумбійскага іграка Радамеля Фалькаа. У сакавіку 2010 года Сілвештры зламаў галёначную костку, з-за чаго выбыў на працяглы час. У жніўні 2014 года быў аддадзены ў арэнду клубу «Вест Бромвіч Альбіён» тэрмінам на адзін сезон, аднак у студзені 2015 года апынуўся ў складзе «Пармы». Улетку 2015 года вярнуўся ў «Порту».

У студзені 2017 года пасля сямі з паловай гадоў у «Порту» пакінуў каманду, стаўшы іграком турэцкага «Кайсерыспора», дзе выступаў да канца сезона 2018/19. У кастрычніку 2019 года перайшоў у «Белененсіш». З ліпеня 2021 года стаў выступаць за «Порту B».

Міжнародная кар’ера

3 сакавіка 2010 года Варэла дэбютаваў у складзе зборнай Партугаліі, выйшаўшы на замену ў таварыскай гульні супраць зборнай Кітая, у якой яго зборная атрымала перамогу з лікам 2:0.

Дасягненні

«Порту»

• Чэмпіён Партугаліі: 2011, 2012, 2013
• Уладальнік Кубка Партугаліі: 2010, 2011
• Уладальнік Суперкубка Партугаліі: 2009, 2010, 2011, 2012, 2013
• Пераможца Лігі Еўропы: 2011