Сілы спецыяльнага прызначэння Лівіі

Сілы спецыяльнага прызначэння Лівіі (араб. القوات الخاصة الليبية‎), таксама Сайка^[1][2][3], Сайга, Саіка^[4] (араб. الصاعقة‎; бел.: маланка) — элітнае падраздзяленне Лівійскай нацыянальнай арміі, утворанае на базе паветрана-дэсантных сіл і камандас.

Сілы спецыяльнага прызначэння Лівіі
Краіна	Лівія
Тып	спецпрызн
Дыслакацыя	Бенгазі
Удзел у	Лівійскі крызіс

Станам на 2014 год колькасць фарміраванняў складала 5000 чалавек^[5].

У 2017 і 2018 гадах Міжнародны крымінальны суд абвінаваціў Махмуда Верфалі, аднаго з камандзіраў лівійскага спецпрызна, у ваенных злачынствах (забойствы і загады аб забойствах некамбатантаў паводле артыкула 8(2)(c)(i) Рымскага статута)^[6][7].

Да 2020 года спецпрызн ЛНА ўзначальваў Ваніс Бухамад. Пасля яго гібелі пасаду камандуючага заняў Абдул Салам аль-Хасі^[8][9].

У часы лівійскага канфлікту часці «Сайкі» адзначыліся ў ходзе баёў за Бенгазі (2013^[5][10] і 2014). У апошнім выпадку ім супрацьстаялі ісламісты групоўкі «Саветы шуры рэвалюцыянераў Бенгазі»^[11].

У 2025 годзе 100 байцоў сіл прайшлі навучанне ў Беларусі^[4].