Сінюха (рака)

У паняцця ёсць і іншыя значэнні, гл. Сінюха (значэнні).

Сіню́ха (латыш. Zilupe, рус. Синяя) — рака ў Верхнядзвінскім раёне Беларусі, Латвіі і Пскоўскай вобласці Расіі, левы прыток ракі Вялікай. На тэрыторыі Беларусі называецца Сінюха, на тэрыторыі Латвіі — Зілупэ. Даўжыня 195 км, з іх 15 км на тэрыторыі Беларусі^[1]. Плошча вадазбору 2040 км². Сярэднегадавы расход вады ў вусці 10 м³/с. Сярэдні нахіл воднай паверхні 0,5‰. Належыць да басейна Балтыйскага мора.

Сінюха
лат. Zilupe, руск. Синяя
У наваколлі г. Зілупэ
Характарыстыка
Даўжыня	195 км
Басейн	2 040 км²
Расход вады	10 м³/с (у вусці)
Вадацёк
Выток	балоты на захад ад Асвейскага возера
• Вышыня	128 м
• Каардынаты	56°05′40″ пн. ш. 28°03′32″ у. д.HGЯO
Вусце	р. Вялікая
• Вышыня	59 м
• Каардынаты	57°09′46″ пн. ш. 28°30′39″ у. д.HGЯO
Ухіл ракі	0,5 м/км
Размяшчэнне
Водная сістэма	Вялікая → Чудска-Пскоўскае возера → Нарва → Балтыйскае мора
Краіны	Беларусь  Латвія  Расія
Код у ДВР	01030000112102000028502
выток вусце
Медыяфайлы на Вікісховішчы

Сінюха выцякае з балот, размешчаных на захад ад Асвейскага возера, у самым паўночным кутку Беларусі. Цячэ ля Кургана Дружбы, дзе сыходзяцца дзяржаўныя межы Беларусі, Латвіі і Расіі. Асноўны прыток на тэрыторыі Беларусі — рака Няверыца (справа).

На рацэ размешчаны горад Зілупэ (Латвія) і пасёлак Краснагародск (Расія).

У верхнім цячэнні — нешырокі ручай. Спачатку па ім праходзіць мяжа Латвіі і Беларусі, затым Латвіі і Расіі, яшчэ ніжэй рака сыходзіць на тэрыторыю Латвіі. У межах горада Зілупэ за 60 кіламетраў ад вытока шырыня ракі яшчэ не перавышае 10 метраў, у рэчышчы камяні і невялікія перакаты, пясчанае дно, высокая хуткасць плыні. Ніжэй Зілупэ рака хутка збірае ваду невялікіх, але шматлікіх прытокаў — шырыня ракі павялічваецца да 10—15 метраў, берагі жывапісныя, лясы змяняюцца лугамі.

Зноскі

1. Агульная характарыстыка рачной сеткі Віцебскай вобласці / Даведнік «Водныя аб'екты Рэспублікі Беларусь»(недаступная спасылка) (руск.)