Дамавы сыч

Дамавы сыч або Сіпель^[1] (Athene noctua) — птушка роду сычы сямейства савіныя.

Дамавы сыч
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Другаснаротыя Тып:  Хордавыя Падтып:  Пазваночныя Інфратып:  Сківічнаротыя Надклас:  Чацвераногія Клас:  Птушкі Падклас:  Нованёбныя Атрад:  Совападобныя Сямейства:  Савіныя Падсямейства:  Surniinae Род:  Сычы Від:  Дамавы сыч
Міжнародная навуковая назва
Athene noctua Scopoli, 1769
Арэал
Сістэматыка на Віківідах Выявы на Вікісховішчы ITIS   555471 NCBI   126797 EOL   1178306 FW   365950

Апісанне

Дробная сава, даўжыня цела 21-27 см, размах крылаў 54-60 см, маса 150—210 г. Самцы і самкі афарбаваныя аднолькава: спінны бок светла-буры, з белаватымі стракацінамі, брушны — белы з бураватымі падоўжнымі плямамі.

Птушка з прысадзістым сілуэтам, параўнальна вялікай галавой, якая з-за формы «тварнага дыска» выглядае прыплюшчанай. Хвост кароткі, вочы жоўтыя з белымі «брывамі». Актыўны таксама і ўдзень. Калі падпільноўвае здабычу, робіць прысяданні і нахілы. Паварочвае галаву да 180°. Палёт хвалісты.

Пашырэнне

Распаўсюджаны ў Цэнтральнай і Паўднёвай Еўропе, Азіі (выключаючы Паўночную), Паўночнай Афрыцы і ад Эфіопіі да Самалі. У Еўразіі жыве на поўдзень ад Латвіі, Маскоўскай і Арэнбургскай абласцей, Паўночнага Казахстана, Паўднёвага Алтая і Забайкалля. На Беларусі трапляецца рэдка, пераважна на поўдні.

Насяляе разнародныя адкрытыя ландшафты ад лесастэпаў і гор да пустынь. Перавагу аддае культурнаму ландшафту. Імкнецца жыць у населеных пунктах і гаспадарчых пабудовах, размешчаных на адкрытых прасторах. Пазбягае густых лясоў, моцна зарослых тэрыторый, балот і адкрытых палёў.

Асаблівасці біялогіі

Сілкуецца дробнымі грызунамі, насякомымі, радзей птушкамі.

Вядзе аселы спосаб жыцця. Манагам. Гняздуецца адзіночнымі парамі на гарышчах, пад карнізамі жылых і гаспадарчых пабудоў, у дуплах, а таксама ў штучных гняздоўях.

Пачатак адкладкі яек — другая палова красавіка. У кладцы 4-5 яек памерамі 34,6 x 29,1 мм. Наседжванне працягваецца 26-29 сутак. Корміцца мышападобнымі грызунамі, насякомымі, часам дробнымі птушкамі.

Зноскі

1. Варыянты напісання ў адпаведнасці з БЭ ў 18 тамах. Т.15., Мн., 2002, С.325.