Сістані

Сістані (перс.: مردم سیستانی)^[1], таксама вядомыя як секзаі — этнічная група іранскага паходжання^[2][3] , жыве пераважна ў Сістане на паўднёвым усходзе Ірана і гістарычна на паўднёвым захадзе Афганістана.

Сістані
Саманазва	перс.: مردم سیستانی
Рэлігія	шыіты
Уваходзіць у	Персы

Пражываюць у цэнтральнай і паўночнай частках Сістана і правінцыі Белуджыстан. У апошнія дзесяцігоддзі яны мігравалі ў іншыя часткі Ірана: Тэгеран і Галестан з-за розных палітычных і кліматычных прычын. Гавораць пераважна на дыялекце фарсі, які часам называюць сістанскай мовай.^[4]

Сістані лічацца нашчадкамі скіфаў^[5] — апошняй інда-еўрапейскайскай групы, якая патрапіла на тэрыторыю Ірана ў 2500 гг. да н.э.^[6].

Cацыяльна-дэмаграфічная інфармацыя

Большасць сістані прытрымліваюцца шыізму. Паводле непацверджаных звестак, доля сістані ў правінцыях Белуджыстан і Сістан можа дасягаць 40 % і нават 50 %, у апошнія дзесяцігоддзі адбылася міграцыя сістані ў Тэгеран і Галестан.^[7]

Генетычныя даследаванні паказваюць, што сістані маюць агульны генафонд з персамі правінцый Езд^[en] і Фарс^[8].

У дзяцей-сістані, якія жывуць у сельскай мясцовасці, недаяданне назіраецца часцей, чым сярод іншых груп, якія насяляюць Іран^[9][10].