Сіфонавыя водарасці

Сіфо́навыя водарасці^[1] (Bryopsidales) — парадак зялёных водарасцей класа Ulvophyceae^[2]. Агульная колькасць сучасных відаў — 564^[2]. Некаторыя сістэматыкі надаюць гэтаму таксону ранг класа — Bryopsidophyceae^[3].

Сіфонавыя водарасці
Bryopsis plumosa, каля Вільфранш-сюр-Мер
Навуковая класіфікацыя
Дамен:  Эўкарыёты Царства:  Расліны Аддзел:  Зялёныя водарасці Клас:  Bryopsidophyceae Парадак:  Сіфонавыя водарасці
Міжнародная навуковая назва
Bryopsidales J.H.Schaffn. (1922)
Сінонімы
Caulerpales Feldmann Codiales Feldmann Halimedales auct.
Наменклатурны тып
Bryopsis J.V.Lamour.
Сістэматыка на Віківідах Выявы на Вікісховішчы ITIS   9309 NCBI   33104 EOL   3895 FW   56968

Апісанне

Слаявіны буйныя (вышыня да 0,5 м), няклетачнай будовы (без папярочных перагародак) са шматлікімі ядрамі і дыскападобнымі хларапластамі. Маюць пігменты. Размнажэнне вегетатыўнае, бясполае і палавое.

Пашырэнне

Адрозніваюць каля 30 родаў, 300 відаў^[1]. Пашыраны пераважна ў трапічных морах ад берагавой зоны да глыбині 70 м, некаторыя трапляюцца ў морах умераных паясоў, напрыклад, каўлерпа (Caulerpa). У выкапнёвым стане вядомыя з ардовікскага перыяду.

Значэнне і выкарыстанне

Ужываюцца ў ежу.

Зноскі

1. БелЭн 2002.
2. Порядок Bryopsidales на сайте AlgaeBase (англ.) (Праверана 4 студзеня 2016)
3. Сіфонавыя водарасці: інфармацыя на сайце «Энцыклапедыя жыцця» (EOL)(англ.) (Праверана 3 студзеня 2016)