Тадзіяна Тодараўна Кляшторная

Тадзія́на То́дараўна Кляшто́рная (5 студзеня 1932, Мінск, БССР — 2 сакавіка 2011) — дзіцячы пісьменнік, старэйшая дачка Тодара Кляшторнага.

Тадзіяна Тодараўна Кляшторная
Асабістыя звесткі
Дата нараджэння	5 студзеня 1932(1932-01-05)
Месца нараджэння	Менск, БССР, СССР
Дата смерці	2 сакавіка 2011(2011-03-02) (79 гадоў)
Грамадзянства	СССР  Беларусь
Бацька	Тодар Кляшторны
Маці	Яніна Германовіч
Прафесійная дзейнасць
Род дзейнасці	дзіцячая паэтэса
Мова твораў	беларуская

Біяграфія

Сям'я Кляшторных. У цэнтры ўнізе – паэт, над ім – жонка з дачкой Тадзіянай, бацька і маці. 1932 г.

Дочкі Тодара Кляшторнага: уверсе Мая і Валя, унізе – Тадзіяна з мужам і сынам.

Нарадзілася ў Мінску. Хросным бацькам Тадзіяны быў Максім Лужанін^[1]. Пасля арышту сваёй маці 28 лістапада 1937 апекавалася некоторы час у бацькавай сястры Александрыны, затым у адным з дзіцячых дамоў Мардовіі. Пасля вайны скончыла Лепельскае педагагічнае вучылішча. Пэўны час настаўнічала на Браслаўшчыне, дапамагала гадавацца малодшым сёстрам^[2].

Мела траіх дзяцей — двух сыноў і дачку. Пасля смерці мужа апошнім месцам працы быў дзіцячы садок^[2].

Разам з сястрой Маяй Кляшторнай прыкладала намаганні па ўшанаванні і папулярызацыі творчасці свайго бацькі. У 2008 прысутнічала на адкрыцці вуліцы імя Тодара Кляшторнага ў вёсцы Камень^[3].

Творчасць

Упершыню надрукавалася ў 1971 у лепельскай раённай газеце. Аўтар кніг вершаў для дзяцей «Паўцякалі цацкі» (Мінск: Юнацтва, 1982) і «Пахі вясны» (Мінск: Юнацтва, 1991), укладальніца зборніка вершаў «Песні любай ліры» гуртка «Паэтычная сцяжынка» (Віцебск, 2001).

Некаторы час вяла дзіцячы літаратурны гурток пры Віцебскай гарадской бібліятэцы.

Зноскі

1. Тадзіяна Кляшторная
2. Анатоль Вярцінскі. Спачыла Тадзіяна Кляшторная (нявызн.)(недаступная спасылка). Новы час (25 сакавіка 2011). Архівавана з першакрыніцы 29 красавіка 2011. Праверана 15 студзеня 2012.
3. Чытанні ў гонар Тодара Кляшторнага (нявызн.). Праверана 15 студзеня 2012.(недаступная спасылка)