Талакно

Талакно́^[1][2][3] — аўсяная мука і даўняя страва з яе ў многіх народаў свету. У заходніх і паўночна-заходніх гаворках мае назву мілта^[1][3].

Талакно
башк.: талҡан арм.: փոխինդ
Краіна паходжання	Фінляндыя  Эстонія  Расія  Беларусь  Украіна  Арменія
Кампаненты
Асноўныя	мука, вада
Роднасныя стравы
У іншых кухнях	Talkan[d] і kama[d]
Медыяфайлы на Вікісховішчы

Лыжка з талакном

Традыцыйнае талакно гатавалі з зерня аўса. Папярэдне ачышчанае зерне насыпалі ў чыгунок ці гаршчок, залівалі вадой і ставілі ў печ парыцца, пакуль не выкіпіць вада. Потым зерне сушылі, таўклі ў ступе, палалі ў начоўках, малолі ў жорнах, прасейвалі на густое сіта. Перад спажываннем дробныя крупы размочвалі, муку разводзілі ў халоднай вадзе. Прыгатаваць талакно магчыма як на вадзе, так і на малацэ, дадаючы розныя дабаўкі для паляпшэння густу і пажыўных уласцівасцяў^[4].

На паўночным захадзе Беларусі талакно замешвалі ў вялікай колькасці вады і елі лыжкамі, на поўдні — замешвалі гусцей і елі грудкамі. На Віцебшчыне і поўначы Лоеўшчыны талакном называлі прыгатаваную такім чынам муку^[1][3].