Талькаўскі сельсавет (Пухавіцкі раён)

Та́лькаўскі сельсавет — былая адміністрацыйна-тэрытарыяльная адзінка ў складзе Пухавіцкага раёна Мінскай вобласці. Адміністрацыйны цэнтр — вёска Талька.

Талькаўскі сельсавет
Будынак былога талькаўскага сельсавета
Краіна	Беларусь
Статус	сельсавет
Уваходзіць у	Пухавіцкі раён
Уключае	17 населеных пунктаў
Адміністрацыйны цэнтр	Талька
Дата ўтварэння	20 жніўня 1924, 1939
Дата скасавання	1935, 30 кастрычніка 2009
Насельніцтва (2009)	871
Плошча	79 км²
Часавы пояс	UTC+03:00
Код аўтам. нумароў	5

У паняцця ёсць і іншыя значэнні, гл. Талькаўскі сельсавет.

Будынак былога Талькаўскага сельсавета

Гісторыя

Утвораны 20 жніўня 1924 года ў складзе Пухавіцкага раёна Мінскай акругі БССР. Пасля скасавання акруговай сістэмы 26 ліпеня 1930 года ў Пухавіцкім раёне БССР. У 1935 годзе Тальскаўскі сельсавет быў скасаваны. У 1939 годзе ўтвораны наноў у складзе Пухавіцкага раёна Мінскай вобласці. Падчас Другой сусветнай вайны з чэрвеня 1941 года да ліпеня 1944 года тэрыторыя сельсавета была акупіравана нямецкімі войскамі. 30 кастрычніка 2009 года скасаваны, тэрыторыя далучана да Блужскага сельсавета^[1].

Населеныя пункты

• 1 студзеня 1947 года — 20
• 30 кастрычніка 2009 года (на момант скасавання сельсавета) — 17 (Арэшкавічы, Блужскі Бор, Весялова, Вялікае Поле, Дзям’янаўка, Калінаўка, Каляюгі, Ленінск, Лявонаўка, Малінаўка, Насыцк, Рудня, Слабодка, Талька, Церабуты, Чароты і Яноўка)

Насельніцтва

На 1 студзеня 2007 года ў Талькаўскім сельсавеце жылі 887 чалавек у 17 вёсках: Арэшкавічы — 190, Блужскі Бор — 2, Весялова — 21, Вялікае Поле — 3, Дзям’янаўка — 39, Калінаўка — 4, Каляюгі — 4, Ленінск — 19, Лявонаўка — 28, Малінаўка — 9, Насыцк — 16, Рудня — 14, Слабодка — 83, Талька — 403, Церабуты — 28, Чароты — 10, Яноўка — 14. Людзі пенсійнага ўзросту складалі каля 60 %. За 2007 год на тэрыторыі Талькаўскага сельсавета нарадзілася 8 дзяцей, памерла 34 чалавекі.

Насельніцтва сельсавета паводле перапісу 2009 года складала 871 чалавек^[2], з іх 90,5 % — беларусы, 6,8 % — рускія, 1,4 % — украінцы^[3].

Зноскі

1. Решение Минского областного Совета депутатов от 30 октября 2009 г. № 219 Об изменении административно-территориального устройства Минской области Архівавана 28 чэрвеня 2021.
2. Насельніцтва населеных пунктаў Мінскай вобласці Беларусі паводле перапісу 2009 года Архівавана 29 чэрвеня 2015. (руск.)
3. Этнічны склад насельніцтва сельсаветаў Беларусі паводле перапісу 2009 года (руск.)