Танала

Танала (малагас. Tanala, літаральна «лясныя людзі») — этнічная група малагасійцаў. Насяляюць частку паўднёва-усходняга Мадагаскара. Агульная колькасць (2022 г.) — 1 423 000 чалавек^[1].

Танала (Tanala)
Агульная колькасць	1423000 (2022 г.)
Рэгіёны пражывання	Мадагаскар
Мова	малагасійская
Рэлігія	культ продкаў, шаманізм, хрысціянства
Блізкія этнічныя групы	іншыя малагасійцы

Паходжанне

Паводле паданняў саміх танала, іх продкі прыйшлі на населеную імі ў нашы дні тэрыторыю з усходняга ўзбярэжжа і цэнтральнага плато Мадагаскара. Мяркуецца, што гэта былі прадстаўнікі розных груп малагасійцаў, выціснутыя у лясную зону заваёўнікамі. Суседзі называлі танала тых, хто вёў пэўны лад жыцця, заснаваны на лясной гаспадарцы, збіральніцве і паляванні. Вылучаюцца дзве асноўныя групы танала — менабэ, і ікунгу.