Танана

У паняцця ёсць і іншыя значэнні, гл. Танана (значэнні).

Та́нана^[1] (англ.: Tanana River) — рака на Алясцы (ЗША), левы прыток ракі Юкан.

Танана
англ. Tanana River
Рака Танана каля горада Фэрбанкс
Характарыстыка
Даўжыня	940 км
Басейн	113 959 км²
Расход вады	1,184 ± 0,001 м³/с
Вадацёк
Выток
• Месцазнаходжанне	горы Урангеля 63°02′57″ пн. ш. 141°51′52″ у. д.HGЯO
• Каардынаты	63°02′57″ пн. ш. 141°51′52″ з. д.HGЯO
Вусце	Юкан
• Месцазнаходжанне	каля горада Танана
• Каардынаты	65°09′30″ пн. ш. 151°58′36″ з. д.HGЯO
Размяшчэнне
Водная сістэма	Юкан → Берынгава мора
Краіна	ЗША
Рэгіён	Аляска
выток вусце
— выток, — вусце
Медыяфайлы на Вікісховішчы

Геаграфія і гідралогія

Даўжыня ракі 960^[1][2][3] км, плошча вадазбору 113 959 (115 000^[1][2][3]) км². Сярэдні расход вады 1172 (970^[1][2][3]) м³/с. Суднаходная на 360 км уверх ад вусця.

Выток Тананы знаходзіцца ў гарах Урангеля ва ўсходняй Алясцы — паўночным адгор’і Кардыльераў. Утвараецца пры зліцці рэк Чызана і Набесна. З памежнага раёна з тэрыторыяй Юкан (Канада) цячэ на паўночны захад амаль паралельна Аляскінскай трасе. У цэнтральнай Алясцы працякае па нізіннай балоцістай мясцовасці пакрытай яловымі лясамі, вядомай як Даліна Танана. У Даліне Танана рака прымае некалькі вялікіх прытокаў, у іх ліку Ненана, Чэна і Дэльта, і ўтварае шмат рукавоў і старыц. Працякае на поўдзень ад горада Фэрбанкс. Упадае ў Юкан каля горада Танана. У верхнім цячэнні на рацэ шмат парогаў, у сярэднім і ніжнім — старыц і рукавоў^[4][2].

• 
  Танана ў басейне ракі Юкан
• 
  У Даліне Тананы
• 
  рака Танана
• 
  Танана ў ніжнім цячэнні
• 
  Трансаляскінскі нафтаправод над Тананай
• 
  Танана каля 100 км на захад ад Фэрбанкса

Зноскі

1. БелЭн 2002.
2. ГЭС 1989.
3. ВСЭ 1976.
4. Географический энциклопедический словарь: Географические названия / Гл. ред А. Ф. Трёшников; Ред. кол.: Э. Б. Алаев, П. М. Алампиев, А. Г. Воронов и др.. — М.: Сов. энциклопедия, 1983. — С. 418. — 538 с. — 100 000 экз. (руск.)