Тарасенкі (Віцебскі раён)

У паняцця ёсць і іншыя значэнні, гл. Тарасенкі.

Тара́сенкі^[1] (трансліт.: Tarasienki, руск.: Тарасенки) — аграгарадок у Віцебскім раёне Віцебскай вобласці Беларусі Уваходзіць у склад Запольскага сельсавета.

Аграгарадок Тарасенкі Краіна Беларусь Вобласць Віцебская Раён Віцебскі Сельсавет Запольскі Каардынаты 55°26′20″ пн. ш. 30°42′50″ у. д.HGЯO Вышыня цэнтра 146 м Колькасць двароў 64 Насельніцтва 204 чалавекі (2002) Часавы пояс UTC+3 Тэлефонны код +375 212 Паштовыя індэксы 211337 Аўтамабільны код 2 СААТА 2212825146 Тарасенкі Тарасенкі

Геаграфія

Знаходзіцца на правым беразе ракі Усвяча, за 46 км у напрамку на паўночны ўсход ад Віцебска^[2].

Гісторыя

У 1950 годзе была створана сельскагаспадарчая арцель імя Малянкова. З 16 ліпеня 1954 года да 22 снежня 1960 года вёска была цэнтрам Тарасенскага сельсавета Суражскага раёна Віцебскай вобласці. У 1957 годзе сельскагаспадарчая арцель атрымала назву «Зара». З 22 снежня 1960 года вёска ў складзе Запольскага сельсавета Суражскага (з 20 студзеня 1960 года — Віцебскага, з 22 снежня 1962 года — Лёзненскага) раёна Віцебскай вобласці. У 1963 годзе сельскагаспадарчая арцель зноў змяніла назву на «Усход». З 2 жніўня 1966 года вёска зноў увайшла ў склад Віцебскага раёна. З 1969 да 2003 года на базе сельскагаспадарчай арцелі «Усход» працаваў калгас «Усход», які ў 2003 годзе быў пераўтвораны ў сельскагаспадарчы вытворчы кааператыў «Тарасенкі» (СВК «Тарасенкі»). У 2012 годзе стратнае СВК «Тарасенкі» было перададзена ва ўласнасць ААТ «Віцебская бройлерная птушкафабрыка»^[3].

Насельніцтва

• 204 жыхары, 64 двары (2002)^[2].

Інфраструктура

• Пачатковая школа
• Бібліятэка
• Аддзяленне сувязі

Памятныя мясціны

• Абеліск у гонар 1-й Беларускай партызанскай брыгады, якая дзейнічала ў наваколлі вёскі
• Брацкая магіла савецкіх воінаў і партызан