Татой (могілкі)

У паняцця ёсць і іншыя значэнні, гл. Татой.

Тато́й (грэч. Τατόι) — некропаль грэчаскіх манархаў, размешчаны ў паркавай зоне палаца Татой, на схіле гары Парніс у Атыцы, за 27 км ад цэнтра Афін (15 км ад граніцы горада).

Татой?
38°09′17″ пн. ш. 23°47′41″ у. д.HGЯO
Размяшчэнне
Краіна	Грэцыя
Перыферыя	Атыка
Перыферыйная адзінка	Ахарнэ
Гісторыя
Дата заснавання	1880
Першае пахаванне	1880
Медыяфайлы на Вікісховішчы

Гісторыя

У 1880 годзе ў парку Татоя з’явілася першае пахаванне — малалетняй дачкі Георга I Вольгі. Пазней і іншыя дзеці Георга I знайшлі свой спачынак у маёнтку — Мікалай Георгіевіч, Андрэй Грэчаскі, Хрыстафор Грэчаскі і Марыя Георгіеўна.

На каралеўскіх могілках пахаваны ўсе грэчаскія каралі з дынастыі Глюксбургаў: Георг I, Канстанцін I (і яго жонка Сафія Пруская), Аляксандр I, Георг II, Павел I і Канстанцін II^[1].

На могілках пахаваныя таксама прадстаўнікі рускай імператарскай дынастыі — каралева Вольга Канстанцінаўна, вялікая князёўна Алена Уладзіміраўна, вялікая княгіня Аляксандра Георгіеўна (у 1939 годзе яе рэшткі былі перанесены ў Грэцыю з СССР).

Пахаванні на могілках працягваюцца і пасля скасавання манархіі ў Грэцыі. У 1981 годзе тут была пахавана каралева Фрыдэрыка Грэчаская, удава Паўла I, а ў 1990-я і 2000-я — дзве грэчаскія прынцэсы: Кацярына, дачка Канстанціна I, а таксама дачка Аляксандра I Аляксандра Грэчаская і яго жонка Аспасія Манас.

Зноскі

1. Nicholas Gage and Joan Paulson Gage. Why Is the King of Greece Living as a Commoner? (англ.). townandcountrymag.com. Town and Country (21 жніўня 2015). Архівавана з першакрыніцы 28 снежня 2021. Праверана 21 снежня 2021.