Аляксандр I (кароль Грэцыі)

Аляксандр I (грэч. Αλέξανδρος Α της Ελλάδας; 1 жніўня 1893, Афіны — 25 кастрычніка 1920, Афіны) — кароль Грэцыі з 1917 па 1920 год. Сын Канстанціна I і Сафіі Гогенцолерн.

Аляксандр I
Αλέξανδρος Α΄
4-ы Кароль Грэцыі 11 чэрвеня 1917 — 25 кастрычніка 1920
Папярэднік	Канстанцін I
Пераемнік	Канстанцін I
Нараджэнне	1 жніўня 1893(1893-08-01)[1] Татой[d], Acharnes Municipality[d], Усходняя Атыка, Attica Prefecture[d], Грэцыя
Смерць	25 кастрычніка 1920(1920-10-25)[2][1][…] (27 гадоў) Афіны, Афіны[d], Цэнтральныя Афіны[d], Атыка[d], Грэцыя[3]
Месца пахавання	Каралеўскія могілкі Татой
Род	Глюксбургі
Бацька	Канстанцін I, кароль Грэцыі
Маці	Сафія з Гогенцэлернаў
Жонка	Аспазія Манас[d][4]
Дзеці	Аляксандра Грэчаская
Веравызнанне	Грэчаскае праваслаўе
Аўтограф
Манаграма
Узнагароды	Кавалер Вялікага крыжа ордэна Збавіцеля Кавалер Вялікага крыжа Савойскага ваеннага ордэна (1815—1947) Кавалер Вялікага крыжа ордэна Георга I
Медыяфайлы на Вікісховішчы

Аляксандр стаў каралём, калі яго бацька быў вымушаны пад ціскам саюзнікаў пакінуць трон у чэрвені 1917 года. Канстанцін I, зяць кайзера Вільгельма II, займаў германафільскую пазіцыю, ён выехаў з Грэцыі разам са старэйшым сынам Георгам, пакінуўшы на троне другога сына — Аляксандра. Новы кароль не меў рэальнай улады, бо палітыкай займаўся прэм’ер-міністр Элефтэрыёс Венізелас. Аляксандр большай часткай падарожнічаў па месцах ваенных дзеянняў, падтрымліваючы баявы дух салдат.

У лістапада 1919 года кароль таемна абвянчаўся з Аспасіяй Манас (1896—1972), дачкой палкоўніка Петраса Манаса. Выхадка караля выклікала вялікі скандал, у рэшце рэшт Аспасія прыбыла ў Афіны, дзе іх шлюб быў афіцыйна прызнаны, але каралевай яна не стала, атрымаўшы толькі тытул прынцэсы. У 1921 годзе, ужо пасля смерці Аляксандра, Аспасія нарадзіла дачку Аляксандру (1921—1993), будучую жонку сербскага караля Пятра II.

Пасля падпісання ў 1920 годзе Сеўрскага мірнага дагавора Грэцыя атрымала значную частку тэрыторыі Турцыі. Аляксандр стаў каралём павялічанай Грэцыі.

2 кастрычніка 1920 года, падчас прагулкі ў каралеўскім садзе Татой, Аляксандр быў укушаны малпай. Праз тры тыдні, 25 кастрычніка ён памёр ад сепсісу.

Зноскі

1. Lundy D. R. Alexandros I zu Schleswig-Holstein-Sonderburg-Glücksburg, King of the Hellenes // The Peerage Праверана 9 кастрычніка 2017.

   <a href='https://wikidata.org/wiki/Track:Q67129259'></a><a href='https://wikidata.org/wiki/Track:Q21401824'></a>
2. Alexander // Encyclopædia Britannica Праверана 9 кастрычніка 2017.

   <a href='https://wikidata.org/wiki/Track:Q5375741'></a>
3. Deutsche Nationalbibliothek Record #119534320 // Агульны нарматыўны кантроль — 2012—2016. Праверана 31 снежня 2014.

   <a href='https://wikidata.org/wiki/Track:Q27302'></a><a href='https://wikidata.org/wiki/Track:Q36578'></a>
4. (unspecified title) Праверана 7 жніўня 2020.