Таццяна Алегаўна Бембель

У Вікіпедыі ёсць артыкулы пра іншых людзей з прозвішчам Бембель.

Таццяна Бембель (8 кастрычніка 1964, Мінск) — беларуская мастацтвазнаўца, арт-крытык, гісторык мастацтва, галерыст, выкладчыца, аўтарка тэлеперадач і культурных праектаў.

Таццяна Алегаўна Бембель
Род дзейнасці	мастацтвазнаўца, арт-крытык, куратар
Дата нараджэння	8 кастрычніка 1964(1964-10-08) (60 гадоў)
Месца нараджэння	Мінск, БССР
Грамадзянства	СССР  Беларусь
Бацька	Алег Бембель
Месца працы	Гарадская мастацкая галерэя твораў Л. Д. Шчамялёва[d]
Альма-матар	Інстытут жывапісу, скульптуры і архітэктуры імя І. Я. Рэпіна
Член у	Беларускі саюз мастакоў Беларускі саюз дызайнераў Беларускі саюз кінематаграфістаў IКОМ Беларусь[d]
Медыяфайлы на Вікісховішчы

Куратарка галерэі TUT.BY. Дачка філосафа і публіцыста Алега Бембеля, унучка скульптара і народнага мастака БССР Андрэя Бембеля. З’яўляецца членам Беларускага саюза мастакоў, Беларускага саюза дызайнераў, Беларускага саюза кінематаграфістаў. Старшыня Беларускага камітэта Міжнароднага савета музеяў «ICOM».

Біяграфія

Нарадзілася ў 1964 у Мінску.

У 1988 годзе скончыла дзённае аддзяленне факультэта тэорыі і гісторыі мастацтваў Інстытута Імя Рэпіна ў Ленінградзе.

З 1999 па 2004 год была куратаркай галерэі Еўрапейскага гуманітарнага універсітэта.

З 2009 года пачала працаваць у галіне дакументальнага кіно, пісаць сцэнары, на аснове якіх створаны шэраг дакументальных фільмаў пра мастакоў, архітэктараў, аб праблемах культуры і мастацтва. У 2011‐2012 гадах працавала на беларускім тэлебачанні, вяла на тэлеканале «Лад» тэлепраграму «Страсці па культуры».

З 2004 па 2013 год была дырэктаркай муніцыпальнай (дзяржаўнай) Гарадской мастацкай галерэі твораў Леаніда Шчамялёва у Мінску.

Фільмаграфія

• «Андрэй Бембель. Смерць. Перамога. Слава» Беларускае тэлебачанне, 2009 год.
• «Застылая музыка Лангбарда» (архітэктар, уладальнік «Гран-пры» Сусветнай Парыжскай выставы 1937 года). Студыя дакументальнага кіно, Беларускае тэлебачанне, 2010 год (у суаўтарстве з Верай Савінай).
• «Summa», 2018. У суаўтарстве з Андрэем Куцілай.