Андрэй Куціла

Андрэй Куціла (нар. 3 ліпеня 1983, Баранавічы) — беларускі рэжысёр дакументальнага кіно, сцэнарыст.

Андрэй Куціла
Дата нараджэння	3 ліпеня 1983(1983-07-03) (42 гады)
Месца нараджэння	Баранавічы, Брэсцкая вобласць, Беларуская ССР, СССР
Грамадзянства	Беларусь
Адукацыя	Беларуская дзяржаўная акадэмія мастацтваў (2009) факультэт журналістыкі БДУ (2007)
Прафесія	кінарэжысёр, сцэнарыст
Член у	Belarusian Independent Film Academy[d]
IMDb	ID 4940060

Біяграфія

З 2002 да 2007 года вучыўся на факультэце журналістыкі Беларускага дзяржаўнага ўніверсітэта на спецыяльнасці «міжнародная журналістыка». Ва ўніверсітэце кіраваў відэастудыяй пры студэнцкім гарадку. Там пачаў здымаць свае першыя дакументальныя фільмы. З 2007 да 2009 года вучыцца ў Беларускай дзяржаўнай акадэміі мастацтваў у майстэрні Аляксандра Карпава.

Супрацоўнічае з шэрагам студыяў і тэлеканалаў, у тым ліку з 2009 года з «Белсатам».

Удзельнік міжнародных кінафестываляў^[1].

Творчасць

Зняў больш за 10 дакументальных стужак, якія паказвалі на прэстыжных кінафестывалях, такіх як IDFA, «DOK Leipzig», «Hot Docs», «Krakow FF», FIPADOC, «DocsMX», «Zagreb Dox», «Astra FF», «Bergen FF» ды іншых. За фільм «Summa» атрымаў узнагароды «IDFA Award for Best Mid-Length Documentary» ў Амстэрдаме, «Silver Hobby-Horse» у Кракаве, «Grand Prize» у Пярну, а таксама прыз як найлепшы дакументальны фільм Нацыянальнага конкурсу 26-га ММКФ «Лістапад»^[2][3]. Фільм «Калі кветкі не маўчаць» стаў пераможцам конкурса дакументальнага кіно 37-га Варшаўскага кінафестывалю, стужка прысвечаная падзеям у Беларусі, якія разгортваліся пасля прэзідэнцкіх выбараў 2020 года.

• 2009 — Днюка
• 2015 — Госці
• 2016 — 25
• 2017 — Цар гары
• 2018 — Summa
• 2019 — Раскіданае гняздо
• 2021 — Калі кветкі не маўчаць

Зноскі

1. ЦАР ГАРЫ (нявызн.)(недаступная спасылка). Архівавана з першакрыніцы 11 верасня 2019. Праверана 30 лістапада 2020.
2. Андрэй Куціла(недаступная спасылка)
3. Праект «Сваё кіно»: рэжысёр і дакументаліст Андрэй Куціла Архівавана 29 кастрычніка 2020.