Таццяна Антонаўна Пятроўская

Таццяна Антонаўна Пятроўская (14 снежня 1946, г. Мінск — 9 чэрвеня 2000) — беларускі мастак дэкаратыўна-прыкладнога мастацтва (кераміка).

Таццяна Антонаўна Пятроўская
Дата нараджэння	14 снежня 1946(1946-12-14)[1]
Месца нараджэння	Мінск, Беларуская ССР, СССР
Дата смерці	9 чэрвеня 2000(2000-06-09) (53 гады)
Месца смерці	Мінск, Беларусь
Грамадзянства	Беларусь
Род дзейнасці	мастак-дэкаратар
Вучоба	Мінскі дзяржаўны мастацкі каледж імя А. К. Глебава Беларуская дзяржаўная акадэмія мастацтваў
Член у	Беларускі саюз мастакоў

У Вікіпедыі ёсць артыкулы пра іншых людзей з прозвішчам Пятроўская.

Біяграфія

Скончыла ў 1966 годзе Мінскае мастацкае вучылішча, у 1975 годзе Беларускі тэатральна-мастацкі інстытут. Вучылася ў М. Бяляева, В. Гаўрылава, С. Ларчанкі. Удзельніца мастацкіх выставак з 1975 года^[2].

Член Беларускага саюза мастакоў з 1988 года^[2].

Жыла ў г. Мінску^[2]. Памерла 9 чэрвеня 2000 года^[3].

Творчасць

Працуе ў галіне дэкаратыўна-прыкладнога мастацтва (кераміка). Асноўныя творы: дэкаратыўныя пласты для сталовай фабрыкі імя Н. Крупскай, рэльефы «Стары горад», вазы, скульптура, пластыка, свяцільнікі для Дома шлюбаў Цэнтральнага раёна (абодва ў г. Мінску), дэкаратыўныя рэльефы «Музыка» для Палаца культуры, пласты і дэкаратыўныя вазы для аптэкі (абодва ў г. Барысаве); дэкаратыўныя скульптуры «Ля электрычкі», «У разгар чэрвеня», «Канцэрт», «Суседка», «Раніца нядзельная», «Незабудкі»; кампазіцыі «Кветкі з саду», «Кветкі на захадзе сонца»; серыя талерак «Змрок»; вазы «Сінія мроі»^[2].

Творы знаходзяцца ў Нацыянальным мастацкім музеі Беларусі, фондах БСМ^[2].

Зноскі

1. Artists of the World Online, Allgemeines Künstlerlexikon Online, AKL Online / Hrsg.: A. Beyer, B. Savoy — B: K. G. Saur Verlag, Verlag Walter de Gruyter, 2009. — ISSN 2750-6088 — doi:10.1515/AKL

   <a href='https://wikidata.org/wiki/Track:Q64'></a><a href='https://wikidata.org/wiki/Track:Q41640909'></a><a href='https://wikidata.org/wiki/Track:Q496126'></a><a href='https://wikidata.org/wiki/Track:Q19276262'></a><a href='https://wikidata.org/wiki/Track:Q324303'></a><a href='https://wikidata.org/wiki/Track:Q98818'></a>
2. Пятроўская Таццяна Антонаўна // Беларускі саюз мастакоў, 1938—1998 = Belarussian union of artists, 1938—1998 : Энцыкл. давед. / Аўт.-склад.: Б. А. Крэпак і інш.. — Мн.: ВТАА «Кавалер Паблішэрс», 1998. — 663 с. — 3 000 экз. — ISBN 985-6427-09-6.
3. Таццяна Антонаўна Пятроўская на сайце анлайн-энцыклапедыі «Беларусь у асобах і падзеях»