Таццяна Дзмітрыеўна Самусенка

У Вікіпедыі ёсць артыкулы пра іншых людзей з прозвішчам Самусенка.

Таццяна Дзмітрыеўна Самусе́нка^[1] (у дзявоцтве — Пятрэнка; 2 лютага 1938, п. Астрашыцкі Гарадок, Мінскі раён, Мінская вобласць — 24 студзеня 2000, Мінск) — беларуская фехтавальшчыца (на рапірах), трохразовая алімпійская чэмпіёнка, заслужаны майстар спорту СССР (1960). Заслужаны дзеяч фізічнай культуры БССР (1980)^[1].

Таццяна Дзмітрыеўна Самусенка
Агульная інфармацыя
Пол	жанчына
Спецыялізацыя	фехтаванне
Нарадзілася	2 лютага 1938(1938-02-02) Астрашыцкі Гарадок, Астрашыцкагарадоцкі сельсавет, Менскі раён, Беларусь
Памерла	24 студзеня 2000(2000-01-24) (61 год) Мінск, Беларусь
Пахаванне	Усходнія могілкі
Грамадзянства	СССР  Беларусь
Альма-матар	БНТУ
Рост	161 см
Вага	57 кг
Узнагароды і медалі Алімпійскія гульні Золата Рым 1960 камандная рапіра Срэбра Токіа 1964 камандная рапіра Золата Мехіка 1968 камандная рапіра Золата Мюнхен 1972 камандная рапіра Чэмпіянаты свету Срэбра Будапешт 1959 камандная рапіра Бронза Будапешт 1959 рапіра Срэбра Буэнас-Айрэс 1962 камандная рапіра Золата Гданьск 1963 камандная рапіра Золата Парыж 1965 камандная рапіра Золата Масква 1966 рапіра Золата Масква 1966 камандная рапіра Срэбра Манрэаль 1967 камандная рапіра Срэбра Гавана 1969 камандная рапіра Золата Анкара 1970 камандная рапіра Дзяржаўныя ўзнагароды Медаль «За працоўную доблесць» Медаль «За працоўную адзнаку» Заслужаны майстар спорту СССР
Медыяфайлы на Вікісховішчы

Біяграфія

У 1962 годзе скончыла Беларускі політэхнічны інстытут па спецыяльнасці інжынер-канструктар.

Пасля завяршэння спартыўнай кар'еры працавала дзіцячым трэнерам, потым дырэктарам спецыялізаванай школы. У 1994 годзе арганізавала і ўзначаліла Беларускі рэспубліканскі фехтавальны клуб «Залаты клінок». У 1994–2000 гадах з’яўлялася старшынёй Асацыяцыі ветэранаў фехтавання^[2].

Дасягненні

• Трохразовая алімпійская чэмпіёнка 1960, 1968, 1972 гадоў у камандным першынстве ў фехтаванні на рапірах, сярэбраны прызёр 1964
• 5-разовая чэмпіёнка свету 1963, 1965, 1966, 1970 гадоў у каманднай рапіры і 1966 года ў асабістым першынстве. Сярэбраны прызёр 1959 1962 1967 1969 гадоў у камандным першынстве, бронзавы прызёр 1959 года ў індывідуальнай рапіры.
• Уладальніца Кубка Еўропы 1967 1969 гадоў у камандных спаборніцтвах.
• Сярэбраны прызёр Кубка Еўропы 1968 года ў камандных спаборніцтвах.
• Васьміразовая чэмпіёнка СССР.

Зноскі

1. Беларусь 1995.
2. Самусенка (дзявочае Пятрэнка) Таццяна Дзмітрыеўна на сайце анлайн-энцыклапедыі «Беларусь у асобах і падзеях»