Рапіра

Рапіра (ням.: Rapier, ад фр.: Rapière, першапачаткова ісп.: Espadas roperas — літаральна, «меч для адзення» (гэта значыць не для даспехаў), скажонае ў фр.: La rapiere) — пераважна колючая халодная зброя, разнавіднасць шпагі, у першапачатковым значэнні доўгая «грамадзянская» шпага, у адрозненне ад «баявой» шпагі занадта лёгкая для нанясення сякучых ўдараў, тым не менш у класічным (не спартыўным) варыянце мае лязо.

Эфес рапіры

Гісторыя

Вядома з 2-й пал. XVII ст. Уяўляла сабой прамы плоскі або гранёны стальны клінок з завостраным (у дуэльных рапірах), затупленым або забяспечаным засцерагальным патаўшчэннем (у фехтавальных рапірах) канцом і эфес. У канцы XIX ст. на аснове фехтавальнай рапіры ўзнікла спартыўная колючая зброя, якая складаецца з лёгкага стальнога эластычнага клінка, эфеса (засцерагальнай чашападобнай гарды і рукаяткі). У звычайных (трэніровачных) рапірах наканечнік на клінку нерухомы, у электрыфікаваных (выкарыстоўваюцца ў афіцыйных спаборніцтвах па фехтаванні з 1954 года) — з рухомым электракантактным устройствам.

Літаратура

• Беларуская энцыклапедыя: У 18 т. Т. 13: Праміле — Рэлаксін / Рэдкал.: Г. П. Пашкоў і інш. — Мн. : БелЭн, 2001. — Т. 13. — 576 с. — 10 000 экз. — ISBN 985-11-0035-8. — ISBN 985-11-0216-4 (т. 13).