Трамплін

Трамплі́н^[1][2] — спартыўны снарад (прылада), спартыўнае збудаванне для правядзення спаборніцтваў і трэніровак, што забяспечвае павелічэнне адлегласці палёту спартсмена ў момант скачка.

Трамплін у Хольменколене

Скачкі з трампліна ў фрыстайле

Вышка для скачкоў у ваду. Злева бачны 3 трампліны

Адрозніваюць трампліны для гімнастычных скачкоў, скачкоў на лыжах, скачкоў у ваду, на водных лыжах, у фрыстайле і іншыя.

Існуе трохступеньчаты трамплін (снарад для наземнага навучання і трэніроўкі парашутыстаў, які дае магчымасць выпрацоўваць уменне прызямлення)^[1] і карабельны трамплін (выкарыстоўваецца пры ўзлёце самалётаў з кароткім разбегам)^[3].

У пераносным сэнсе трамплін — апора, зыходны пункт для якіх-небудзь дзеянняў^[2].

Скачкі на лыжах з трампліна

Асноўны артыкул: Скачкі на лыжах з трампліна

У дысцыпліне «Скачкі на лыжах з трампліна» сучасны трамплін уяўляе сабой складаны інжынерны комплекс, разлічаны на прагляд скачкоў вялікай колькасцю гледачоў. Напрыклад, трыбуны трампліна ў Вілінгене (Германія) месцяць 38 000 гледачоў.