Транзіт

Транзі́т^[1][2][3] (ад лац.: transitus — праходжанне, пераход) — перавозкі грузаў і пасажыраў з аднаго пункта ў другі праз прамежкавыя (транзітныя) пункты. На чыгуначным транспарце тэрмін «транзіт» таксама ўжываецца да цягнікоў і асобных вагонаў^[1][4], на рачным транспарце — пры перавозках у межах двух або некалькіх сумежных параходстваў (прамы транзіт^[4]), а таксама паміж партамі і прыстанямі аднаго параходства (унутраны транзіт)^[4].

Транзітныя перавозкі могуць быць змешаныя (рознымі відамі транспарту), а таксама адбывацца ўнутры краіны, паміж рознымі краінамі і праз іншую краіну ў трэцюю на аснове міжнародных пагадненняў (міжнародны транзіт).

Існуюць абмежаванні на транзіт некаторых грузаў, такіх як зброя, выбуховыя і наркатычныя рэчывы і іншыя грузы.