ТАЕ Авія

ААТ «ТАЕ Авія» — беларуская грузавая авіякампанія. 99,8 % акцый кампаніі належыць дзяржаве, астатнія 0,2 % акцый — акцыянерам. На рынку грузавых перавозак працуе з 1992 года^[1]. Авіякампанія зарэгістраваная ў ІКАО, рашэнне ад 8 чэрвеня 1993 года, Doc AN 2/16, з прысваеннем трохлітарнага кода ТХС. Зарэгістраваная ў ІАТА з прысваеннем двухлітарнага кода AL і трохлічбавага прэфікса кода 221. Паветраны флот — 13 Іл-76 і адзін Boeing 747^[2].

ТАЕ Авія
Дата заснавання	1992
Хабы	Нацыянальны аэрапорт Мінск
Штаб-кватэра	Мінск, Беларусь
Кіраўніцтва	Юрый Вячаслававіч Хлебус
Сайт: http://www.transaviaexport.com/

Boeing 747-300SF авіякампаніі Трансавіяэкспарт

Іл-76 авіякампаніі Трансавіяэкспарт

2 снежня 2021 года Міністэрства фінансаў ЗША ўключыла ТрансАвіяЭкспарт і два самалёты авіякампаніі ў амерыканскі санкцыйны спіс^[3][4].

22 снежня 2021 года дзяржаўная кампанія «Трансавіяэкспарт» змяніла назву на «ТАЕ Авія»^[5].

У 2022 годзе авіякампанія трапіла пад санкцыі Вялікабрытаніі, Еўрапейскага Саюза, Швейцарыі і Японіі^[6].

Здарэнні

9 сакавіка 2007 года самалёт Іл-76ТД (EW-78826) пры заходзе на пасадку ў Магадыша (Самалі) быў абстраляны меркавана з пераноснага зенітна-ракетнага комплексу або ручнога гранатамёта. У гэты час самалёт знаходзіўся на вышыні 250 м. Нягледзячы на моцны пажар на борце, экіпажу ўдалося здзейсніць пасадку, пацярпелых у выніку інцыдэнту не было^[7] .

23 сакавіка 2007 года пры ўзлёце з аэрадрома сталіцы Самалі Магадыша быў збіты самалёт Іл-76ТД (EW-78849), на борце якога знаходзілася 11 чалавек^[8]. Гэты самалёт вылецеў у Магадыша, каб даставіць тэхнічных спецыялістаў да пацярпелага за 2 тыдні да гэтага самалёта кампаніі.

Зноскі

1. Общая информация о компании «Трансавиаэкспорт» (нявызн.)(недаступная спасылка). Архівавана з першакрыніцы 8 снежня 2013. Праверана 21 чэрвеня 2021.
2. https://www.belta.by/economics/view/transaviaeksport-planiruet-popolnit-svoj-flot-samoletami-boeing-414244-2020/
3. Адзіным фронтам. Што трэба ведаць пра новыя санкцыі супраць рэжыму Лукашэнкі (нявызн.). Белсат (3 снежня 2021). Праверана 8 снежня 2021.
4. Belarus Designations; Publication of Belarus Directive 1 and related Frequently Asked Questions; Issuance of Belarus General License 5 (англ.). United States Department of the Treasury (2 снежня 2021). Праверана 10 December 2021.
5. Авіякампанія з "чорнага спісу" ЗША змяніла назву (бел.)  (нявызн.) ?. Еўрарадыё (10 студзеня 2022).
6. Відкрите акціонерне товариство "Авіакомпанія Трансавіаекспорт" (нявызн.)(недаступная спасылка). Архівавана з першакрыніцы 16 красавіка 2023. Праверана 16 красавіка 2023.
7. В Сомали подбили белорусский самолет (нявызн.). Lenta.ru (12 сакавіка 2007). Праверана 14 жніўня 2010.
8. В столице Сомали на вылете был сбит белорусский Ил-76 с 11 человеками на борту (нявызн.). NEWSru (24 сакавіка 2007). Праверана 14 жніўня 2010.