Транслейтанія

Транслейта́нія^[1] (ням.: Transleithanien) — неафіцыйнае^[1] найменне земляў венгерскай кароны ў складзе двуадзінай Аўстра-Венгрыі. Утворана ў выніку пагаднення 1867 года і праіснавала да 1918 года — года распаду краіны.

Землі Транслейтаніі пазначаны на карце зялёным:
16.Каралеўства Венгрыя
17.Каралеўства Харватыя і Славонія

Назва

Лацінская назва Транслейтанія пазначае землі, размешчаныя на ўсходнім боку (літаральна: «па той бок», калі глядзець з боку Аўстрыі) ракі Лейты (Літавы), у супрацьлегласць Цыслейтаніі, каралеўствам і землям, прадстаўленым у Рэйхсраце і размешчаным на захад ад ракі.

Склад

У складзе Транслейтаніі вылучалі:

• Каралеўства Венгрыя, якое ўключала тэрыторыю былой Каралеўскай Венгрыі і Вялікае Герцагства Трансільванскае, якое злілося з ім у выніку уніі
• Свабодны партовы горад Фіумэ (суч. Рыека)
• Каралеўства Харватыя і Славонія.

Гл. таксама

• Аўстра-Венгрыя
• Землі кароны Святога Іштвана
• Цыслейтанія