Тросна (возера, басейн Тросніцы)

У паняцця ёсць і іншыя значэнні, гл. Тросна.

Тро́сна^[1][2][3] — возера ў Беларусі, у Полацкім раёне Віцебскай вобласці ў басейне ракі Тросніца, за 20 км на паўночны ўсход ад Полацка, за 0,5 км на захад ад вёскі Затрасценне.

Тросна
Морфаметрыя
Даўжыня	1,4 км
Шырыня	0,35 км
Плошча	0,28 км²
Даўжыня берагавой лініі	3,1 км
Басейн
Плошча вадазбору	13 км²
Упадаюць	ручаі
Выцякаюць	рака Тросніца
Размяшчэнне
Краіна	Беларусь
Рэгіён	Віцебская вобласць
Тросна
Тросна

Плошча паверхні возера 0,28 км². Даўжыня 1,4^[1] (1,38^[2]) км, найбольшая шырыня 0,35^[1][3] км. Даўжыня берагавой лініі 3,1 (3,05^[2]) км. Плошча вадазбору 13 км². Катлавіна возера моцна выцягнутая з паўночнага захаду на паўднёвы ўсход. Схілы катлавіны пераважна невыразныя, месцамі вышынёй да 2 метраў. Вакол возера забалочаная пойма шырынёй да 20 (25—50^[3]) м. Берагі забалочаныя і сплавінныя.

У возера ўпадаюць ручаі. Выцякае рака Тросніца і ручай.