Троіцкая гара (Мсціслаў)

Троіцкая гара, пазней Пятніцкая гара — узгорак у г. Мсціславе Магілёўскай вобласці. Размешчана на паўночны захад ад Замкавай і Панівойскай гор, ад якіх аддзелена ярам ручая Здаравец. Плошча ўзгорка складае каля 15 га.

Троіцкая гара
Троіцкая гара з Замкавай гары
Размяшчэнне
54°01′40″ пн. ш. 31°43′22″ у. д.HGЯO
Краіна	Беларусь
Вобласць	Магілёўская вобласць
Раён	Мсціслаў
Троіцкая гара
Троіцкая гара

У паняцця ёсць і іншыя значэнні, гл. Троіцкая гара.

На схіле Троіцкай і Панівойскай гор знойдзена кераміка 12—13 стст., што сведчыць пра існаванне часткі пасада плошчай каля 2 га уздоўж Троіцкай гары. У 14—15 стст. насельніцтва асвойвала схіл Пятніцкай гары з боку р. Віхра, была актыўна заселена і тэрыторыя на ўсходнім схіле гары вышэй вусця ручая Здаравец.

Літаратура

• Археалогія Беларусі: энцыклапедыя. У 2 т. / [склад. Ю. У. Каласоўскі; рэдкалегія: Т. У. Бялова (гал. рэд.) і інш.]. — Мінск: Беларуская Энцыклапедыя імя П. Броўкі, 2011. — Т. 2: Л—Я. — 464 с. — ISBN 978-985-11-0549-2.
• Мяцельскі А. А. Мсціслаўскае княства і ваяводства ў XII—XVIII стст. — 2-е выд. — М.: Беларуская навука, 2014. — 664 с. — ISBN 978-985-08-1663-4.