Труфель

Тру́фель (Tuber) — род сумчатых грыбоў з падземнымі клубнепадобнымі мясістымі пладовымі целамі з парадку пецыцавых (Pezizales). Да сапраўдных труфеляў адносяцца ядомыя віды, якія лічацца каштоўнымі далікатэсамі. Утвараюць мікарызу з арэшнікам, букам, дубам, грабам. Род налічвае каля 100^[1] відаў. На Беларусі 2 віды — труфель белаваты, або труфля Борха (Tuber borchii), Труфля летняя, або труфля руская чорная (Tuber aestivum).

Труфель
Навуковая класіфікацыя
прамежныя рангі Дамен:  Эўкарыёты Царства:  Грыбы Падцарства:  Вышэйшыя грыбы Аддзел:  Аскамікота Пададдзел:  Pezizomycotina Клас:  Пецыцаміцэты (Pezizomycetes) Парадак:  Пецыцальныя Сямейства:  Tuberaceae Род:  Труфель
Міжнародная навуковая назва
Tuber
Сістэматыка на Віківідах Выявы на Вікісховішчы ITIS   508853 NCBI   36048 EOL   16356 MB   5629

Пладовыя целы памерам ад ляснога арэха да буйнага клубня бульбы. Сярэдняя маса каля 120 г, можа дасягаць 1 кг. Звонку пакрытыя абалонкай (перыдыем). Міцэлій не знікае пры паспяванні пладовых целаў. Мякаць на разрэзе мае малюнак з цёмных і светлых пражылак.

Зноскі

1. Беларуская энцыклапедыя: У 18 т. Т.15: Следавікі — Трыо / Рэдкал.: Г. П. Пашкоў і інш. — Мн.: БелЭн, 2002. — Т. 15. — С. 540. — 552 с. — 10 000 экз. — ISBN 985-11-0251-2 (Т. 15).