Трыглаў (міфалогія)

У паняцця ёсць і іншыя значэнні, гл. Трыглаў.

Трыгла́ў (лац.: Triglav) — бажаство ў міфалогіі балтыйскіх славян.

Трыглаў у гарадскім парку Воліна

Паказваецца альбо як трохгаловы чалавек, альбо як чалавек з трыма казлінымі галовамі. Галовы сімвалізавалі ягоную ўладу над трыма царствамі: небам, зямлёй і падземным светам^[1]. Да атрыбутаў Трыглава належаць чорны конь і дуб. Падчас варажбы жрацы тройчы вадзілі каня, які павінен быў прадказваць будучыню, праз дзевяць дзідаў, пакладзеных на зямлю.

Магчыма, у асобе Трыглава аб'яднаныя тры галоўныя ідалы славянскай міфалогіі, якімі першапачаткова з'яўляліся Сварог, Пярун і Даждзьбог. У некаторых славянскіх плямёнаў Даждзьбога пазней замяніў Святавіт або Вялес.

Некаторыя даследчыкі звязваюць Трыглава з іншым славянскім бажаством Траянам^[2].

На тэрыторыі Беларусі абломак трохтварага ідала знойдзены паблізу вёскі Багуслаўцы Пружанскага раёна і ля вёскі Млыны Камянецкага раёна Брэсцкай вобласці^[1].

Паводле некаторых меркаванняў, горы Трыглаў у Славеніі і Троглаў у Босніі і Герцагавіне названыя ў гонар Трыглава. Таксама яго імя носіць астэроід 2522 Трыглаў.

Зноскі

1. Трыглаў (нявызн.). Родныя вобразы (7 снежня 2012).(недаступная спасылка)
2. Троянь // Словарь-справочник «Слова о полку Игореве»: В 6 выпусках / Сост. В. Л. Виноградова. — М.; Л.: Наука. Ленингр. отд-ние, 1965—1984. — Т. Вып. 6. Т—Я и дополнения — 1984. — С. 57—61.