Тырва (воласць)

Ты́рва (эст.: Tõrva vald) — воласць у Эстоніі, уваходзіць у склад павета Валгамаа.

Тырва
Герб Сцяг
Краіна	Эстонія[1]
Уваходзіць у	Павет Валга[1]
Адміністрацыйны цэнтр	Тырва
Дата ўтварэння	21 кастрычніка 2017
Насельніцтва	▲5 889 чал. (1 студзеня 2024)[2]
Плошча	647,22 км² (31 снежня 2017)[3]
Афіцыйны сайт
Медыяфайлы на Вікісховішчы

Геаграфія

Знаходзіцца на паўднёвым захадзе Эстоніі, на мяжы з Латвіяй. Плошча — 647,22 км², шчыльнасць насельніцтва ў 2020 годзе — 9,5 чалавек/1 км². Суседнія воласці: Отэпя, Валга, Элва і Мульгі.

Амаль 50 % плошчы воласці занята лесам: буйныя лясныя масівы размешчаны ў яе паўднёвай частцы. Паўночная частка воласці — узгорыстая раўніна, тут пераважаюць сельскагаспадарчыя ўгоддзі. Цэнтральную і заходнюю часткі воласці займае ўзвышша Сакала.

На тэрыторыі воласці ёсць некалькі буйных балот (тарфянікі Рубіна і Лагесоа, вярхоўі балота Ікепера), мноства азёр і рэк, а таксама 18 тэрыторый прыродаахоўнай сеткі Natura 2000. Самыя буйныя азёры — Вальг’ярв і Цюндрэ, буйнейшыя рэкі — Вяйке-Эмайыгі і Хельмэ.

Карысныя выкапні: пясок, друз, жвір, торф.